53 (nùmer)

C'l artìcol chè 'l è scrit in Carpśàn

Na caślèina olandéśa cun na machìna tachèda sù damànd l'Herbie dal Maggiolino matto.

(S 't î drē a serchèr minga al nùmer 53, mo invéci 'l an 53 edla nostra éra, 't ê da 'ndèr chè)

Al 53 (sinquantatrī, cinquantatré in itagliàṅ, quinquaginta tres in latèin) 'l è al nùmer naturèl ( $\mathbb {N}$ ) ch'a seguìs al 52 (sinquantadū) e ch'a vin prìma dal 54 (sinquantaquàter). In dla numerasiòun di romàṅ antìg 'l era scrìt LIII. In dla numerasiòun ordinèla al tóś al sinquantatriéśim post.

Proprietê matemàtichi dal 53

'L è al sedicéśim nùmer prim, gnènd dop dal 47 e prìma dal 59:
2, 3, 5, 7, 11, 13, 17, 19, 23, 29, 31, 37, 41, 43, 47, 53, 59, 61, 67, 71, 73, 79, 83, 89, 97...^[1]
Soquànti moltìplichi dal 53 gl'ìn i nùmer 106, 159, 212, 265, 318, 371, 424, 477, 530, e vìa acsè...
Al fà pert edla séri di nùmer prìm ed Sophie Germain:

2,3,5,11,23,29,41,53,83,89,113,131,173,179,191,233,\dots

^[2]

In dla śmòrfia, al nùmer 53 al vōl dìr "al vèć" ('o viecchio in napoletàṅ, damànd ch'a gìsen il vecchio in itagliàṅ).