Marilyn Manson

Da Wikipedia.
C'l artìcul chè 'l è scrit in Miranduléś Emiliàn
Manson impgnâ a 'l Rock am Ring ’15


«
Babble babble bitch bitch, rebel rebel party party, sex sex sex and don't forget the "violence", blah blah blah got your lovey-dovey sad-and-lonely, stick your stupid slogan in: everybody sing along. Are you motherfuckers ready for the new shit? Stand up and admit, tomorrow's never coming. This is the new shit, stand up and admit. Do we get it? No! Do we want it? Yeah!»
(EN)(This Is The New Shit, 2003)
«
Blah blah rój rój, arvèrs arvèrs fèsta fèsta, sès sès sès e n daśmindgâ minga na cria 'd "viulénsa", blah blah blah al tò tiśurèṅ l'è da par lē e la gh'à 'l magòṅ, insfìls'g al tò mòt stùpid: cantém tut insém. La vaca ch'v à fat, sî'v prònt par la casàda 'd adès? Tulî'v sù e dgî ch'l'è véra, al dmaṅ al n rivarà briśa, ca-la chè la casàda 'd adès, alvâ'v in pē e dgî ch'l'è acsè. 'L ém-j-a capî? Nò! Al vlém-j-a? Sè!»
(MUD)
Marilyn Manson al fà ciào a Cannes in dal 2006


Marilyn Manson, pseudònim ad Brian Hugh Warner (Canton, 5 ad Śnar dal 1969), 'l è 'n cantànt e atōr americàṅ, famóś p'r ès'r al frontman dna banda 'd industrial metal dla Flòrida nada in dal 1989 c'n al nóm ad Marilyn Manson & the Spooky Kids, pò scurtâ in Marilyn Manson in dal 1992.

'L à sarnî 'l sò nóm pinsànd a la Marilyn Monroe e a 'l masadōr seriàł Charles Manson. Al s pòrta adrē al scutmàj ad Prevòstar. I sò vìddeo i èṅ stâ da spés cinsurâ da 'l televiśiòṅ, cuma qvél ad s(AINT) girâ par l'Asia Argento, o traśmìs tard a la nòt quànd i baghét i èṅ tut a lèt[1]. La Céśa Catòlica la gh'à dâ da spés cóntar[2] [3] [4].

Gl'àtar mémbar dal grup i èṅ Paul Wiley a la chitàra, Twiggy Ramirez a 'l bas e Gil Sharone a la baterìa.

Al grup 'l à vindû da piò ad sinquànta migliòṅ ad disc in tut al mónd faghénd vgnir fóra ùnd'ś àlbum (quàtar multi-plàtin e dū 'd òr). Al sucès par lōr al riva c'n al sò secónd lavōr, Antichrist Superstar, anc par via dal sìngul The Beautiful People. In dal 1998 al disc Mechanical Animals, dal gènar glam rock, al finìs drit a 'l prim pòst dla Billboard acsè cuma The Golden Age of Grotesque dal 2003 ch'l arcòrda l'entartete Kunst pruibìda in dla Germâgna naśìsta.

I aṅ scrit dimóndi pès par dal culòni sunóri ad film cuma Long Hard Road Out of Hell par Spawn, Apple of Sodom par Strade perdute, Rock Is Dead par The Matrix, Suicide Is Painless par Il libro segreto delle streghe - Blair Witch 2, Break You Down par Dracula's Legacy - Il fascino del male, Valentine's Day par Valentine - Appuntamento con la morte, The Nobodies par La vera storia di Jack lo squartatore, La La Song par Party Monster, This Is the New Shit par The Matrix Reloaded, Dried Up, Tied and Dead to the World par La maschera di cera, Irresponsible Hate Anthem par Saw II e àt'r incóra.

Discugrafìa

Marilyn durànt al Mechanical Animals tour
Al cantànt tòlt śò da 'l viṿ in dal 2007
Marilyn Manson

Àlbum

EP

Da 'l viṿ

Racòlti

Filmugrafìa

Culegamènt estéran

Nòti

  1. Manson: cinsurâ 'l vìddeo cun l'Asia TGCom, 22 ad Setémbar dal 2004
  2. Tiziano Ferro 'l è 'n satanìsta cumpàgn a Marilyn Manson Leggilo.net, 14 ad Dicémbar dal 2012
  3. Marilyn Manson, prutèsti p'r al spetàcul Fantasy Magazine, 8 ad Dicémbar dal 2003
  4. Al “Prevòstar” Marilyn Manson al fà tarmàr Bulógna Siracusa On Line, 14 ad Dicémbar dal 2012