Ingannevole è il cuore più di ogni cosa

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg The Heart Is Deceitful
Above All Things
Ingannevole è il cuore più di ogni cosa
Ingannevole è il cuore.png
Sprouse e l'Argento in na figùra dal film
Al cōr 'l ingàna da piò ad tut al rèst
2004
Regia: Asia Argento
Scritùr: J.T. Leroy
Asia Argento • Alessandro Magania
Atùr: Asia ArgentoJimmy BennettPeter Fonda
Jeremy RennerDylan SprouseCole Sprouse
Ornella MutiMarilyn MansonMichael Pitt
Winona RyderKip PardueDavid Brian Alley
Jeremy SistoJohn RobinsonBen Foster
Müsica: Marco CastoldiBilly CorganSonic Youth
Lengua: Ingléś
Dürä dal film: 97 minüt
Nasiòṅ: Stat UnîRégn UnîFrànciaGiapòṅ


«
Da drē da 'l più grand imbròj dal nòstar tèmp a gh'è la stòria ch'la scavśa 'l cōr ch'l'à tacâ incòsa.»
(Tagline dal film)


Ingannevole è il cuore più di ogni cosa (Al cōr 'l ingàna da piò ad tut al rèst) 'l è 'n film dramàtic dal 2004 dl'Asia Argento, ispirâ a 'l rumànś umònim ad J.T. Leroy. 'L è stâ preśentâ a 'l 57śum Fèstival ad Cannes, in dla sesiòṅ „Quinzaine des Réalisateurs“.

'L è stâ girâ in di Stat Unî in dua 'l à purtâ a cà dagnógna trénta-mila dòlar ch'i s śòntan a i 133.540 euro in Itâglia e a i 176.153 dòlar dal rèst dal mónd.

La part dal pìcul prutagunìsta Jeremiah l'è stada dada a Jimmy Bennett (a siē an) a i śmèi Cole e Dylan Sprouse (a und'ś an), ch'i s spartìv'n al rōl.

Sunt

A siē an al pìcul Jeremiah (Jimmy Bennett) al vèṅ purtâ via da i sò genitōr adutìṿ p'r èsar dâ in afidamènt a la sò màdar naturàla, la Sarah (Asia Argento). Chi lē, ch'la fà la putàna p'r i camiunìsta e l'è sèmp'r in buléta, la 'l tōś in cà faghénd-ag catàr di śugàtui e pò la gh dmanda: «vō't guardàr un lìbar in dal méntar ch'a vag a far da magnàr?». Quànd la s preśénta cun un piàt ad cartòṅ cun stramnàda dèntar dla paparùcia, ch'la pâr dla śóta ch'la n la màgnan gnanc i caṅ, tiràda fóra da na scatuléta ad lata, lò al la śbat via, ciapànd acsè dū sćiafòṅ in fàcia da sò màdar ch'la gh diś ch'in cà sua la cmanda lē. Cla sira lè pò la gh śibìs anc dla dròga.

La Sarah, ch'l'è sèmpar drē a far-as di óm difarènt cuma Jackson (Marilyn Manson) o al biónd Buddy (Michael Pitt) ch'al dróa la sìngia cun al putèṅ parchè al s éra pisâ adòs méntar lōr i ciulàvan in n'atra cambra, un dè la sa spóśa cun Emerson (Jeremy Renner) e la partìs sèg p'r al viàś ad nòsi a Atlantic City inciavànd sò fiōl in cà cun dal magnàr in dal frigo. 'L óm però al n è minga un pàdar bòṅ par Jeremiah, tut àtar, difàti 'l al viulénta na nòt.

Al finìs pò in cà ad sò nóna (Ornella Muti) e ad sò nunòṅ (Peter Fonda), dū fisâ par la religiòṅ, cun tut i parènt ch'i gh daṅ adòs. Un dè al patìs anc al taj dal prepùsi sóta la dócia.

Al tórna pò a vìv'r incóra cun sò màdar, ch'in cal méntar 'l iva tacâ a balàr atàc a 'l pâl in un lucàl a luś rósi. La Sarah ad sira l'al vistìs da fémna, dand-ag dal rusét in si làbar.

Culegamènt estéran