Nightwish
|
C'l artìcul chè 'l è scrit in
Miranduléś |
«
Sorrow hides well in your shell, a fellow man with hurt to spare, dear one, here I am to share the fear, an act of kindness without an amen, how's the heart underneath the silence? How's the one drowning in the mire?»
(EN)(How's the heart?, 2020)
«
Al dulōr al s lóga bèṅ in dal tò gus, 'n óm c'n al dulōr da dar in prèst, teśôr, a sòṅ chè par spartìr tèg la paùra, un gèst ad gentilésa, sénsa 'n àmen, cuma và'l al cōr sóta 'l silènsi? Cuma và'l qvél ch'l è drē a 'ndgàr in dal padól?»
(MUD)
I Nightwish i èṅ un grup metal finlandéś, fundâ in dal 1996 a Kitee par mèrit dal tasterìsta Tuomas Holopainen, dal chitarìsta Emppu Vuorinen e dla cantànta lìrica Tarja Turunen. Chi lē l'è armàśa in dal grup in fiṅ a 'l 2005 par pò èsar rimpiasàda prima par l'Anette Olzon e pò par la cantànta ulandéśa Floor Jansen in dal 2012.
I Nightwish i èṅ a 'l tèrs pòst in fat ad véndidi in Finlàndia cun nuvsènt-mila còpi sertificàdi e anc al grup dal sò paéś più vindû a 'l èstar cun nóṿ migliòṅ ad disc, cun siē àlbum a 'l prim pòst e trédas sìngui ch'i aṅ fat àtar tant.
Furmasiòṅ
- Tuomas Holopainen -tastéri e piàṅ
- Emppu Vuorinen - chitàra
- Marco Hietala - bas e vōś
- Troy Donockley - bodhrán, uilleann pipes, tin whistle, bouzouki e chitàra sulìsta
- Floor Jansen - vōś
- Kai Hahto - baterìa
Ex cumpunènt
- Tarja Turunen – vōś (1996 - 2005)
- Sami Vänskä – bas (1998 - 2001)
- Anette Olzon – vōś (2005 - 2012)
- Jukka Nevalainen – baterìa (1997 - 2019)
Àlbum
- Angels Fall First (1997)
- Oceanborn (1998)
- Wishmaster (2000)
- Century Child (2002)
- Once (2004)
- Dark Passion Play (2007)
- Imaginaerum (2011)
- Endless Forms Most Beautiful (2015)
- Human. :II: Nature. (2020)