Valentine - Appuntamento con la morte

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Valentine
Valentine - Appuntamento con la morte
Valentine - Appuntamento con la morte.png
La Denise Richards in na figùra dal film
Valintèṅ - Apuntamènt cun la mòrt
2001
Regia: Jamie Blanks
Scritùr: Tom Savage • Donna Powers
Wayne Powers • Gretchen J. Berg • Aaron Harberts
Atùr: David BoreanazDenise RichardsBenita Ha
Marley SheltonJessica CapshawKatherine Heigl
Jessica CauffielHedy BurressFulvio Cecere
Müsica: Don Davis
Lengua: Ingléś
Dürä dal film: 94 minüt
Nasiòṅ: Stat Unî


«
Inamurâ'v dal terōr.»
(Tagline dal film)


Valentine - Appuntamento con la morte (Valintèṅ - Apuntamènt cun la mòrt) 'l è 'n film thriller dal 2001 ad Jamie Blanks trat da 'n rumànś ad Tom Savage, Valentine. Custâ déś migliòṅ ad dòlar, al 'n à pò purtâ a cà da piò ad trénta-siē.

In dal film i s càtan soquànt pès hard rock cuma Valentine's Day ad Marilyn Manson, Superbeast ad Rob Zombie, RX Queen di Deftones e Pushing Me Away di Linkin Park.

Sunt

Durànt la fèsta 'd San Valintèṅ la Shelley Fisher (Katherine Heigl), dòp avér snâ c'n al sò muróś Jason (Adam Harrington), la pasa da 'l ubitòri par far di autupsìi ch'la gh'à da far 'n eśàm a l'università 'l dè dòp. Lè lì lē la cata 'n maniàc cun na mascra 'd Cupîd adòs ch'al gh taja la góla.

Gl'amìghi dla vitma, la Paige Prescott (Denise Richards), la Lily Voight (Jessica Cauffiel), la Kate Davies (Marley Shelton) e la Dorothy Wheeler (Jessica Capshaw), i s càt'n a 'l sò funeràł e i dascóran c'n al detective Leon Vaughn (Fulvio Cecere) ch'al pòrta avànti gl'indàśin. Cla sira lè la Lily e Paige i càtan da drē da 'l us dal sò apartamènt na scatla 'd ciuculatèṅ ma quànd i próan a magnàr-i i védan ch'i gh'aṅ dèntar di bēg. Al bijét dal rigàl 'l è firmâ JM e a 'l dū ragàsi a gh vîṅ in mènt un sò vèć cumpàgn ad scōla, Jeremy Melton (Joel Palmer), che tuti lōr i ìvan tòlt in gir durànt la fèsta di inamurâ 'd tréd'ś an prima. In séguit la Kate, dòp avér litgâ c'n al sò muróś Adam Carr (David Boreanaz), da spés imbariàg, e ès'r-as fata na dócia, la cata la mascra 'd Cupîd darènt a 'l asinsōr.

Al sasèṅ al tórna a cupàr una dòp cl'atra al mémbri dal grup di amìghi, prima la Lily e pò la Ruthie. Durànt i masamènt al pèrd dal sangṿ da 'l naś.

Culegamènt estéran