Velvet Revolver

Da Wikipedia.

C'l artìcul chè 'l è scrit in Miranduléś Emiliàn


«
You operate and motivate on synthetic fuel, you're mother nature and an atom bomb, as long as you're kept full of pretty bodies, your little secret will be safe with me, around again, insane again, it comes again and sets me free, so set me free, set me free 'cause I think you need my soul.»
(EN)(Set Me Free, 2003)
«
'T agìs mutivàda da di rifurnimènt sintètig, at sē màdar natùra e bómba atòmica, da sèmpar at tîṅ dacàt di bèi còrp, al tò segrét piculèṅ al sarà a 'l sicûr mèg, in gir incóra, alienâ incóra, 'l è drē a rivàr incóra, al m rénd lìbar, dònca rénd-um lìbar, rénd-um lìbar parchè a pèns ch'at gh'à biśógn dla mè mènt.»
(MUD)


I Velvet Revolver (Rivultèla 'd vlû) i èṅ un supergrup hard rock americàṅ nâ in dal 2003 miténd insém tri mémbar di Guns N' Roses (al chitarìsta Slash, al basìsta Duff McKagan e 'l baterìsta Matt Sorum) c'n al chitarìsta rìtmic Dave Kushner di Wasted Youth e c'n al cantànt di Stone Temple Pilots, Scott Weiland.

C'n al sìngul Slither i aṅ vins un Grammy Award in dal 2005 par la “Performance Hard Rock Mijóra” méntar 'n àtar pès, Set Me Free, 'l è finî in dla culòna sunóra dal film Hulk.

Al grup tòlt śò a Lóndra in dal 2007. Da sinìstra: Kushner, McKagan, Weiland, Slash e Sorum

In dla sò caréra i aṅ fat vgnir fóra sōl dū àlbum in studi, fra 'l 2004 e 'l 2007, pò in d'l Avrìl dal 2008 Weiland 'l à mulâ baràca e buratèṅ par turnàr insém a i Stone Temple Pilots. Gl'àtar mémbar i aṅ pò laurâ su dal materiàł nóṿ e pascâ, sénsa sucès, 'n àtar cantànt in fiṅ a 'l 12 ad Śnar dal 2012 quànd i s èṅ riunî tut p'r un cuncèrt ad beneficénsa.

Qvàla lè l'è stada l'ultma eśibisiòṅ insém prima dla mòrt ad Weiland al 3 ad Dicémbar dal 2015. Slash e McKagan i èṅ turnâ pò in di Guns N' Roses.

Discugrafìa

Àlbum

  • 2004 - Contraband
  • 2007 - Libertad

Culegamènt estéran