La vera storia di Jack lo squartatore

Da Wikipedia.

C'l artìcul chè 'l è scrit in Miranduléś Emiliàn

From Hell
La vera storia di Jack lo squartatore

Depp e Robbie Coltrane in na figùra dal film
La stòria véra ad Jack al squartadōr
2001
Regìa: Allen e Albert Hughes
Scritōr: Alan Moore • Eddie Campbell
Terry Hayes • Rafael Yglesias
Atōr: Johnny DeppHeather GrahamIan Holm
Ian RichardsonJason FlemyngKatrin Cartlidge
Robbie ColtraneTerence HarveySusan Lynch
Müsica: Trevor Jones
Léngua: Ingléś
Dürä dal film: 117 minüt
Nasiōṅ: Stat Unî


«
'N óm sōl al psiva pruàr a farmàr al più catìṿ di masadōr seriài.»
(Tagline dal film)


La vera storia di Jack lo squartatore (La stòria véra ad Jack al squartadōr) 'l è 'n thriller americàṅ dal 2001 'd Allen e 'd Albert Hughes trat da 'l rumànś gràfic From Hell (Da 'l Infèran) 'd Alan Moore e Eddie Campbell ch'al cònta la vita 'd al masadōr seriàl Jack al squartadōr ch'in dal 1888 a Lóndra 'l à cupâ da quàtar a sédas putàni.

Sunt

In dal quartēr degradâ ad Whitechapel, in dla Lóndra dal 1888, un grup ad putàni i lòtan par tiràr avànti e par paràr via 'l cativèri 'd un papòṅ viulènt ch'al pénsa sōl a i bèsi. Una ad qvisti chè, l’Ann Crook (Joanna Page), la gh la cava a cambiàr vita spuśànd un pitōr ch'al viṿ bèṅ, Albert Sickert (Mark Dexter), anc parchè 'l è sèmp'r in gir par l'Europa a vénd'r i sò quàdar. La còpia la gh'à anc na putìna abùda da pôc, l’Alice (Poppy Rogers).

P'r andàr a tōr sò marè ch'al turnàva da la Frància, l’Ann la dmanda a gl'amìghi ad tgnir-ag la putìna p'r al dòpmèśdè. Quànd però dū ad cal putàni lè i gh la pòrtan a la sira, i védan i dū spóś purtâ via da soquànt óm. Ad nòt pò una ad cal rój lè la vèṅ cupàda in 'n andavèṅ buj in strada e pò a gh vèṅ scurtlàda la pèpa.

'L ispetōr Frederick Abberline (Johnny Depp) al s fà càrag ad tgnir a drē a 'l caś insém a 'l sergînt Peter Godley (Robbie Coltrane). In dal gir ad pôc tèmp a mōr anc n'atra putàna. A 'l funeràl Frederick al cgnós n'amìga dla vitma c'n i cavìi rós, batidōra anca lē, la Mary Jane Kelly (Heather Graham). Chi lē la gh cònta 'd i óm ch'i ìvan purtâ via l’Ann e Albert c'l àtar dè e 'l ispetōr 'l arcgnós da la descrisiòṅ ch'a gh'éra insaplâ anc Ben Kidney (Terence Harvey), cap dla sesiòṅ speciàla dla pulisìa. Andànd a lèś'r al carti, Frederick al vèṅ a savér che l’Ann l'è stada purtàda in manicòmi.

Culegamènt estéran