Sex Pistols

Da Wikipedia.
C'l artìcul chè 'l è scrit in Miranduléś Emiliàn
I Sex Pistols tòlt śò durànt un cuncèrt dal ’77 a Amsterdam


«
We're so pretty, oh so pretty vacant but now... and we don't care!»
(EN)(Pretty vacant, 1977)
«
A sém acsè blèṅ, oh acsè bèi e diśucupâ ma adès... a n s in ciàva gnint!»
(MUD)


I Sex Pistols (Pistòli dal Sès) i èṅ un grup punk britànic cunsiderâ gl'inventōr dal muimènt in dal Régn Unî. La banda l'è stada misa in pē a Lóndra in dal 1975 da 'l cantànt Johnny Rotten, da 'l chitarìsta Steve Jones, da 'l baterìsta Paul Cook e da' l basìsta Glen Matlock che pò al lasarà 'l pòst in dal 1977 a Sid Vicious ch'l iva sunâ la baterìa p'r i Siouxsie and the Banshees e ch'al mur'rà drugâ a vint-i-òṅ an.

I sò cuncènt i gh'aṅ sèmp'r abû cóntar gl'istitusiòṅ e quànd i s fàvan véd'r in pùblic i fàvan da spés dal caśèṅ fra la gint ch'la gh tgniva drē. Al sìngul lōr più famóś, God Save the Queen dal 1977, 'l è vgnû fóra durànt al giubilèo 'd argìnt dla regìna e 'l è stâ cunsiderâ 'n atàc a la munarchìa e a 'l nasiunalìśum di ingléś.

La caréra dal grup 'l è duràda pôc, sōl tri an, in dua i aṅ fat vgnir fóra sōl 'n àlbum, Never Mind the Bollocks, Here's the Sex Pistols, e quàtar sìngui. Johnny Rotten 'l à mulâ i Sex Pistols in dal 1978 cun chi àtar ch'i èṅ andâ avànti da par lōr in fiṅ a 'l 1979.

Cumpunènt

Al logo dal grup

'd adès

quéi vèć

Discugrafìa

Sid Vicious e Johnny Rotten

In studi

  • 1977 - Never Mind the Bollocks, Here's the Sex Pistols

Culòni sunóri

  • 1979 - The Great Rock 'n' Roll Swindle

Da 'l Viṿ

  • 1996 - Filthy Lucre Live

Racòlti

  • 1979 - Some Product - Carri on Sex Pistols
  • 1980 - Flogging a Dead Horse
  • 1992 - Kiss This

Culegamènt estéran