Vinnie Vincent Invasion

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn


«
We'll take it to the top, gonna rock until the day we drop, the boyz are gonna rock, well, we burn our cages, we're outrageous, runnin' rabid, we're the hounds of hell.»
(EN)(Boyz Are Gonna Rock, 1986)
«
A 'l purtarém in élt, a farém dal rock in fiṅ a 'l dè ch'a cascarém, i ragàs i faràṅ dal rock, bòṅ, a bruśém al gabi, a sém ultragióś, a curém rabî, a sém i segùǵ d'l infèran.»
(MUD)
Vinnie Vincent tòlt śò in dal 1988

I Vinnie Vincent Invasion i èṅ stâ 'n grup hard rock americàṅ fundâ in dal 1985 p'r al chitarìsta Vinnie Vincent dòp èsar stâ mis a 'l us da i Kiss in dal 1984. La banda, nada da 'l séndri dal vèć grup ad Vincent ciamâ Warrior, la vdiva fra i sò mémb'r al basìsta Dana Strum (èx 'd Ozzy Osbourne), al baterìsta Bobby Rock e 'l cantànt Robert Fleischman, pò rimpiasâ in dal secónd disc All Systems Go par Mark Slaughter.

Al grup 'l à fat vgnir fóra sōl dū disc par la Chrysalis Records par pò dasfàr-'s in dal 1988. Al sò ùltim sìngul, Love Kills, 'l è finî in dla culòna sunóra dal film ad scarésa Nightmare IV: Il non risveglio.

Dana e Mark i aṅ pò cuntinuâ a sunàr in un prugèt par sò cònt, i Slaughter, méntar Vinnie 'l à incìś dū EP (Euphoria in dal 1996 e Archive Volumes I: Speedball Jamm in dal 2004) e sunâ òspit in soquànt pès 'd àt'r artìsta cuma Make a Play for Her Now dal Bangles. Al chitarìsta 'l à anc scrit di pès p'r i Kiss p'r al sò disc Revenge dal 1992.

Discugrafìa

Dana Strum e Mark Slaughter in dal 2010

Àlbum

Racòlti

  • 2003 - Special Edition

Sìngui

  • 1986 - No Substitute
  • 1986 - Boyz Are Gonna Rock
  • 1988 - Ashes To Ashes
  • 1988 - Love Kills

Culegamènt estéran