Vai al contenuto

Bloodhound Gang

Da Wikipedia.

C'l artìcul chè 'l è scrit in Miranduléś Emiliàn

«
Me and you do the kind of stuff that only Prince would sing about, so put your hands down my pants and I'll bet you'll feel nuts, yes, I'm Siskel, yes I'm Ebert and you're getting two thumbs up, you've had enough of two-hand touch, you want it rough, you're out of bounds, I want to you smothered, want you covered, like my Waffle House hash browns, come quicker than Fed Ex, never reaching apex like Coca-Cola stock you are inclined to make me rise an hour early just like Daylight Savings Time. You and me baby ain't nothin' but mammals so let's do it like they do on the Discovery Channel.»
(EN)(The bad touch, 1999)
«
Nuàtar du a fém cal ròbi che sól Prince al pōl cantàr, alóra pògia al maṅ in dal mè braghi e a gh scumét che 't andarà śò 'd tèsta, sè a sòṅ Siskel, sè a sòṅ Ebert, e tè at và a la granda^, ta gh 'n à asè ad tgnir-as par maṅ, at vō di cumpurtamènt grèś, at sē un pòst pruibî, a t vój angàda, a t vój quaciàda cuma i hashbrown° ad Waffle House, a végn più in présia ad FedEx ma a n gh la cav minga a tucàr dal véti, cuma la scòrta ad Coca-Cola at ténd a far-um alvàr n'óra prima pròpria cuma quand a gh'è l'óra legàla. Nuàtar du a n sém àtar che du mamìfar alóra fém-al cum i al fànan in di ducumentàri.»
(MUD)
^ o ta t bèc du pòlas in sù
° ’l è un piàt ad patàchi e sigóli tajàdi a cunsèṅ e pò friti
I Bloodhound Gang

I Bloodhound Gang i èṅ un grup hard rock/rap americàṅ ch'i sònan cun la cretinìśia adòs e la vója ad far rìdar, cantànd di braṅ cun dimóndi śōg ad paròli.

I s èṅ furmâ a Quakertown in dla Pennsylvania in dal 1992 p'r òpra ad Jimmy Pop Ali e quàtar sò amìg tulénd al nóm da na traśmisiòṅ televiśìva, 3-2-1 Contact, in du a gh'éra un sipariét ciamâ The Bloodhound Gang. I aṅ vindû da piò ad 6 migliòṅ ad disc in fiṅ adès.

Durànt un cuncèrt a Udésa in Ucràina in d'l Agóst dal 2013, al basìsta Jared Hasselhoff al 'n à fat una dal sui miténd-as na bandéra rusa in dal mudàndi, cun al minìstar dla cultùra rus ch'al s è alrliâ dimóndi e l'à dâ dispuśisiòṅ ad scanślàr al spetàcul a vgnir in di dintóran a Krasnodar[1].

Biugrafìa

La caréra di Bloodhound Gang la taca in dal 1995 quand la Columbia Records la i mét sóta cuntràt. Al prim disc 'l è Use Your Fingers (dróa i tò dî) e al gh'à dèntar la cover ad Kids in America ad Kim Wilde, You're pretty when I'm drunk (At sē bèla quand a sòṅ imbariàg) e al sìngul Mama say (La mama la diś). In cuperìna a ś véd na baghéta in majéta e mudàndi ch'la magna na còsa ad puj.

In dal 1996 a véd la luś One Fierce Beer Coaster (Un sótbicèr catìṿ) un disc ch'al vénd dimóndi, specialmènt par mèś dal sìngul Fire water burn, druâ anc da Michael Moore in dal sò film dal 2004 Fahrenheit 9/11. Al disc al gh'à dèntar di pès cun di tìtui quài I wish I was queer so i could get chicks (A m piaśrév èsar fnòć acsè a prév avér dal pulàstri), Why's everybody always pickin' on me? (Parchè i gh 'l àṅ sèmpar tut mèg?) e Kiss me where it smells funny (dà-'m un baś in dua a s sènt al divertimènt).

In dal 1999 i Bloodhound Gang i s fànan cgnósar anc in Europa cun 'l àlbum Hooray For Boobies (Urrà p'r al téti). Al sìngul The bad touch (Al tóc catìṿ) al vénd dimóndi, specialmènt in Germàgna in du al riva al prim pòst in clasìfica, anc par mèś 'd un vìddeo in dua i èṅ vistî da simmi e i ciùlan dapartùt. I nòstar Eiffel 65 i aṅ pò rimixâ al braṅ. Al disc al gh'à dèntar anc di àtar pès famóś cuma The inevitable return of the great white dope (Al ritóran sénsa psér far-ag gnint dla granda dròga biànca, diretamènt da la culóna sunóra dal film Scary Movie), I hope you die (A spér ch'at mōr), Mope (Vilî, un misćiùs ad Relax di Frankie Goes To Hollywood e For Whom the bell tolls di Metallica!), The ballad of Chasey Lain (La balàda ad Chasey Lain) e Along comes Mary (E pò l'è rivàda la Mary).

P'r al disc nóṿ a gh'è da spetàr al 2005 quand a vèṅ fóra Hefty Fine cun i sìngui Foxtrot Uniform Charlie Kilo (gl'inisiài dal paròli misi insém, FUCK, i vólan dir "fótar" in ingléś), Uhn Tiss Uhn Tiss Uhn Tiss (druàda in Itàglia in na recàm dla Blaupunkt) e No hard feelings. In dal braṅ Something Diabolical a gh'è anc al cantànt di H.I.M., Ville Valo. In dla cupertìna dal disc a ś véd un budlòṅ nûd stric in un scatlòṅ.

Cumpunènt

'd adès

  • Jimmy Pop - vóś, chitàra
  • DJ Q-Ball - vóś, disk jockey, campiunadór, prugramasiòṅ
  • Evil Jared Hasselhoff - bas, secónda vóś
  • Daniel P. Carter - chitàra, tastéri, sintetiśadór, pianofórt, secónda vóś
  • Adam "The Yin" Perry - baterìa

quéi vèć

  • Lüpüs Thünder
  • Bubba K Love
  • Blue
  • Byron
  • Daddy Long Legs
  • Foof
  • Lazy I
  • M.S.G.
  • Piddly B
  • Skip O'Pot2Mus
  • Slave One
  • Spanky G
  • Tard-E-Tard
  • Willie The New Guy
  • White Steve
  • Mr. Stinky Boots

Discugrafìa

Àlbum

  • 1995 - Use Your Fingers
  • 1996 - One Fierce Beer Coaster
  • 2000 - Hooray for Boobies
  • 2005 - Hefty Fine
  • 2015 - Hard-Off

Racòlti

  • 2009 - Playlist Your Way
  • 2010 - Show Us Your Hits

EP

  • 1994 - Dingleberry Haze
  • 1996 - One Censored Beer Coaster

Culegamènt estéran

Nòti

  1. ↑ Grup americaṅ al s mét la bandéra rusa in dal mudàndi e Mósca la s arlìa: indagâ e tòlt sóta Corriere.it, 5 'd Agóst dal 2013
Estratto da "https://eml.wikipedia.org/w/index.php?title=Bloodhound_Gang&oldid=152609"