Def Leppard

Da Wikipedia.

C'l artìcul chè 'l è scrit in Miranduléś Emiliàn


«
You got the peaches, I got the cream sweet to taste, saccharine, 'cause I'm hot, say what, sticky sweet from my head, my head, to my feet, do you take sugar? one lump or two? Take a bottle, shake it up, break the bubble, break it up, pour some sugar on me, ooh in the name of love, pour some sugar on me, c'mon fire me up, pour your sugar on me, oh I can't get enough.»
(EN)(Pour Some Sugar On Me, 1987)
«
Tè 't gh'à i pèrśag, mè a gh'ò la créma dōlsa da tastàr, sacarìna, parchè a sòṅ bujènt, dì quèl, dōls ch'a m s taca incòsa da la tèsta, la mè tèsta, a i pē, vō't dal sùcar? Un quadartèṅ o dū? Tó na butìglia, squàs'-la bèṅ, vèra la bóla, śbrag'-la, vèrs'um dal sùc'r adòs, ooh, in dal nóm d'l amōr, vèrs'um dal sùc'r adòs, dai-mo impìs'um, vèrs'um dal sùc'r adòs, oh a n gh 'n ò minga asè.»
(MUD)
I Def Leppard tòlt śò dal viṿ in dal 2012


I Def Leppard (a s lèś [dɛf 'lɛpɑrd] in ingléś) i èṅ un grup hair metal britànic mis sù in dal 1977 a Sheffield. Da 'l 1992 in avànti i sò mémbar i èṅ Joe Elliott a la vóś, Rick Savage a 'l bas, Rick Allen, ch'l à pardû un bras in 'n incidènt in màchina in dal 1984, a la baterìa e Phil Collen e Vivian Campbell a la chitàra. Al vèć chitarìsta uriginàł Steve Clark 'l è mòrt 'l 8 ad Śnar dal 1991 p'r un misćiùs ad madśìni tòlti p'r al dulōr, soquànti cóntar la depresiòṅ e àlcol. P'r arcurdàr-al i Tesla i aṅ scrit in c'l an lè al braṅ Song & Emotion.

Al grup a 'l inìsi al s è fat cgnósar a 'l intéran dla curènt ciamàda New Wave of British Heavy Metal a cavàl fra la fiṅ di an Stanta e i prim an Utànta, in séguit i aṅ catâ 'l sucès c'n i àlbum Pyromania (1983, disc ad diamànt) e Hysteria (1987, dódas vòlti plàtin in di Stat Unî e vint-sinc migliòṅ vindû in tut) e i gh 'l aṅ cavàda a piàsar sèt sìngui in tèsta dal clasìfichi dla Billboard americàna: Love Bites, Pour Some Sugar on Me, Hysteria, Armageddon It, Animal, Rocket e Women.

In trént' an e pasa 'd caréra i aṅ vindû da piò ad sènt migliòṅ ad disc in tut al mónd.

Mémbar

Al cantànt Joe Elliott
Phil Collen tòlt śò in dal 2008
Rick Allen uféś a 'n bras dòp 'n incidènt in màchina
Al chitarìsta Vivian Campbell

Quéi 'd adès

Ex cumpunènt

Discugrafìa

Àlbum

  • 1980 - On Through the Night
  • 1981 - High 'n' Dry
  • 1983 - Pyromania
  • 1987 - Hysteria
  • 1992 - Adrenalize
  • 1996 - Slang
  • 1999 - Euphoria
  • 2002 - X
  • 2006 - Yeah! (disc ad cover)
  • 2008 - Songs from the Sparkle Lounge
  • 2015 - Def Leppard
  • 2022 - Diamond Star Halos

Racòlti

  • 1993 - Retro Active
  • 1995 - Vault: Def Leppard Greatest Hits (1980-1995)
  • 2004 - Best of Def Leppard
  • 2005 - Rock of Ages: The Definitive Collection

Da 'l Viṿ

  • 2011 - Mirrorball: Live & More
  • 2013 - Viva! Hysteria

EP

  • 1979 - The Def Leppard E.P.
  • 1993 - Live: In the Clubs, in Your Face

Culegamènt estéran