Bon Jovi

Da Wikipedia.
C'l artìcul chè 'l è scrit in Miranduléś Emiliàn


«
It's my life and it's now or never 'cause I ain't gonna live forever, I just want to live while I'm alive (it's my life), my heart is like an open highway, like Frankie said I did it my way, I just want to live while I'm alive, 'cause it's my life!»
(EN)(It's My Life, 2000)
«
L'è la mè vita e l'è adès o mai piò parchè a n vivrò mia par sèmpar, a vój sōl vìvar mént'r a sòṅ viṿ (l'è la mè vita), al mè cōr l'è cuma n'autustràda vèrta, cum 'l à dit Frankie a 'l ò fat a la mè manéra, a vój sōl vìvar mént'r a sòṅ viṿ parchè l'è la mè vita.»
(MUD)
David Bryan, Jon Bon Jovi e Tico Torres tòlt śò in dal 2014
Richie Sambora e Jon Bon Jovi a 'l Tribeca Film Festival
Al grup da 'l viṿ cun Jon ch'al gh'à la maja dl'Argintìna adòs
Jon Bon Jovi


I Bon Jovi i èṅ un grup hard rock americàṅ mis sù a Sayreville (New Jersey) in dal 1983. I sò cumpunènt 'd adès i èṅ al cantànt e atōr Jon Bon Jovi, David Bryan (tastéri) e Tico Torres (baterìa) ma la furmasiòṅ uriginàla la gh'iva dènt'r anc Alec John Such (bas) e Richie Sambora (chitàra).

I Bon Jovi i èṅ séns àtar òṅ di grup più impurtànt dla séna rock mudèrna e i aṅ dâ un cuntribùt dimóndi élt a 'l śvilùp dal muimènt Hair metal di an Utànta. I èṅ arcurdâ anc p'r avér scrit soquànti dal canti più cgnusùdi d'l Hard rock cuma Livin' on a Prayer, You Give Love a Bad Name, Wanted Dead or Alive, Bad Medicine, Keep the Faith, Bed of Roses, Always e It's My Life.

In dal cōrs dla sò caréra i Bon Jovi i aṅ publicâ tréd'ś àlbum in studi e vindû da piò ad sènt-trénta migliòṅ ad disc in tut al mónd. Inóltar i aṅ fat da piò ad dumìla-setsènt cuncèrt in sinquànta paéś e pasa par trénta-sinc migliòṅ ad sustenidōr. In dal 2006 al grup 'l è stâ mis in dla “Music Hall of Fame” dal Régn Unî.

Mémbar

Quéi 'd adès

  • Jon Bon Jovi vóś, chitàra (1983-incō)
  • David Bryan tastéri (1983-incō)
  • Tico Torres baterìa (1983-incō)

Ex cumpunènt

  • Dave Sabo chitàra (1983)
  • Richie Sambora chitàra (1983-2013)
  • Alec John Such bas (1983-1994)

Discugrafìa

Àlbum

  • 1984 - Bon Jovi
  • 1985 - 7800° Fahrenheit
  • 1986 - Slippery When Wet
  • 1988 - New Jersey
  • 1992 - Keep the Faith
  • 1995 - These Days
  • 2000 - Crush
  • 2002 - Bounce
  • 2003 - This Left Feels Right
  • 2005 - Have a Nice Day
  • 2007 - Lost Highway
  • 2009 - The Circle
  • 2013 - What About Now
  • 2015 - Burning Bridges

Racòlti

  • 1994 - Cross Road
  • 2001 - Tokyo Road: Best of Bon Jovi
  • 2004 - 100,000,000 Bon Jovi Fans Can't Be Wrong
  • 2010 - Greatest Hits

Da 'l Viṿ

  • 2001 - One Wild Night Live 1985-2001
  • 2012 - Inside Out

EP

  • 2001 - The Love Songs
  • 2003 - Bon Jovi - Target EP
  • 2006 - Live from the Have a Nice Day Tour

Culegamènt estéran