Pennsylvania

Da Wikipedia.

C'l artìcul chè 'l è scrit in Miranduléś Emiliàn

Al stéma dla Pennsylvania
La bandéra dla Pennsylvania
La Pennsylvania (in rós) a 'l intéran di Stat Unî


La Pennsylvania (a s lèś /ˌpɛnsᵻlˈveɪnjə/ in ingléś, scólta'l chè) 'l è 'n stat di Stat Unî ch'al s fà part di Stat d'l Atlàntic Mèdi e dal Commonwealth. La s è unìda a la federasiòṅ in dal 1787 e 'l sò nóm a vōl dir Bòsc ad Penn in unōr dal sò fundadōr, 'l ingléś William Penn.

La mùcia sù dagnóra trédas migliòṅ 'd abitànt par na superfìsi ad 119.283 km².

La sò capitàl l'è Harrisburg ma l'è Filadèlfia la sò sità più granda rivànd a cuntàr un migliòṅ e mèś 'd abitànt cóntar gnanc sinquànta-mila. Àtri sità impurtànti i èṅ Pittsburgh e Allentown. L'è divìśa in ssanta-sèt cuntèi e in 2.563 cumùṅ. Al sò mòt 'l è „Virtue, Liberty and Independence“ (Virtù, Libertà e Indipendénsa).

La cunfìna a nòrd c'n al stat ad New York, a òvest cun 'l Ohio, a sud c'n al Maryland e cun la Virgìgna d'l Òvest e a èst c'n al New Jersey e c'n al Delaware.

L'ecunumìa dal stat la pōl cuntàr su i prudót di camp (funś e sereài), su 'l alevamènt dal bèsti (bóv, nimài e pui) e su la prudusiòṅ dal lat e di sò prudót laurâ. L'indùstria siderùrgica la s la pasa mâł mént'r a và méj par qvéla lètrica, chìmica e dal magnàr.

Al sò guvernadōr, da 'l 2015, 'l è Tom Wolf dal partî demucràtic.

Culegamènt estéran