Una sull'altra

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Una sull'altra
Una sull'altra.png
La Martinelli e la Mell in na figùra dal film
Una su cl'atra
1969
Regia: Lucio Fulci
Scritùr: Lucio Fulci • José Luis Martínez Mollá
Roberto Gianviti • Massimo Castellani
Franco Ferrari • Massimo Franciosa
Atùr: Jean SorelMarisa MellElsa Martinelli
Alberto de MendozaJohn IrelandGeorge Rigaud
Riccardo CucciollaJesús PuenteFaith Domergue
Müsica: Riz Ortolani
Lengua: ItagliàṅIngléśFrancéś
Dürä dal film: 99 minüt
Nasiòṅ: ItàgliaFrànciaSpaggna


«
Lì lē l'éra rica, l'éra bèla, la psiva far far a chi óm tut qvél ch'la vliva, incòśa!»
(Tagline dal film)


Una sull'altra (Una su cl'atra) 'l è 'n film śal eròtic dal 1969 ad Lucio Fulci cun dèntar dal séni lèśbo fra la Marisa Mell e l'Elsa Martinelli.

La pelìcula, vietàda a i minōr ad daśdòt an e custàda in alóra quatarsènt-sinquantamìla franc a 'l incìrca, quànd l'è vgnuda fóra l'à fat scàndal tant ch'l'è anc stada sequestràda par far-'g-an di taj esénd batśàda cuma „spetàcul schivóś“.

Sunt

George Dummurrier (Jean Sorel) 'l è 'n cirùśig americàṅ ch'al gh'à na clìnica a San Francisco ch'al pòrta avànti, in un mâr ad dèbit, cun 'l ajùt ad sò fradèl Henry (Alberto de Mendoza). Al sò matrimòni cun la Susan (Marisa Mell), malàda 'd aśma, 'l è in criśi parchè lò al pénsa sōl a 'l lavōr e a la sò amànta futógrafa, la Jane (Elsa Martinelli).

Na nòt la Susan la vîṅ catàda mòrta in cà e 'l mèdag, che quànd l'è sucèsa cla daśgràsia lè 'l éra via, al vîṅ a savēr 'd ès'r al benefisiàri dn'asicurasiòṅ su la vita 'd sò mujēr 'd un migliòṅ ad dòlar, bèsi ch'i gh fànan còmad par salvàr la sò clìnica. Adès ch'l è lìbar al pōl finalmènt dedicàr al sò tèmp a la Jane ma na sira, méntar 'l è in un night sèg, al fà a mènt a na balarìna ciamàda Monica Weston (Marisa Mell) ch'l'è cumpàgna a la Susan a part al culōr di òć, vérd e minga maròṅ, e di cavìi, biónd e minga scûr. Pinsànd ch'la pòsa anc èsar sò mujēr, 'l óm al s fà dar al sò nùm'r ad telèfun, pò al gh la cava anc a pasàr na nòt a lèt sèg sénsa savēr ch'al gh'à 'n agìnt dl'asicurasiòṅ ch'al gh tîṅ adrē.

Quànd la pulisìa, faghénd di eśàm su 'l cadàvar dla sgnōra Dummurrier, la capìs ch'l'è mòrta par via dal curâr in dal còrp, al dutōr al finìs in di guàj, par lò la cambra a gas la s davśìna.

Culegamènt estéran