002 operazione Luna

Da Wikipedia.

C'l artìcul chè 'l è scrit in Miranduléś Emiliàn

002 operazione Luna

Ingrassia, Franchi e Banfi in na figùra dal film
002 uperasiòṅ Luna
1965
Regìa: Lucio Fulci
Scritōr: Vittorio Metz • Amedeo Sollazzo
Atōr: Franco FranchiCiccio IngrassiaLinda Sini
Mónica RandallLino BanfiIgnazio Leone
María SilvaElena SedlakEmilio Rodríguez
Chiro BermejoIgnazio LeonePiero Morgia
Müsica: Coriolano Gori
Léngua: ItagliàṅRus
Dürä dal film: 90 minüt
Nasiōṅ: ItàgliaSpaggna


«
“Al furgunsèṅ al n gh'è piò!” “S èṅ-i fargâ 'l mèś?” “Nò, i s 'l èṅ fargâ tut!”»


002 operazione Luna (002 uperasiòṅ Luna) l'è na cumèdia dal 1965 ad Lucio Fulci giràda in biànc e négar cun prutagunìsta Franco Franchi e Ciccio Ingrassia.

In na part pìcula a gh'è anc Lino Banfi ch'al cumparìs in dla pelìcula druànd al sò nóm véra, Pasquale Zagaria.

Sunt

Al guèran suviètic 'l è drē a mandàr in sla Luna dū astrunàut, al culunèl Paradowsky (Franco Franchi) e 'l magiōr Borovin (Ciccio Ingrassia), ma a và mâł quèl parchè al raś “Popoff I” al sćiòpa durànt al viàś. Esénd ch'al sò foto i èṅ finìdi su i giurnài ad tut al mónd, p'r a n far minga bruta figùra, al Cremlîṅ al dà 'l incàrag ad catàr in présia dū persunàǵ ch'i gh sumìlian par pò far-i partìr su 'n àtar raś, al “Popoff II”, e acsè far finta 'd gnint.

A s dà 'l caś che pròpria cla nòt lè dū làd'r itagliàṅ fiśicamènt cumpàgn a lōr, Franco Cacace (Franco Franchi) e Francesco Messina (Ciccio Ingrassia), i finìsan dèntar dòp na rapìna andàda mâł parchè i èṅ di imbambî ch'i pìgan. Na dóna di servìsi segrét rus in Itàglia (Linda Sini), ch'la lavóra 'd nascòst in un salòṅ ad belésa par dóni, la véd al sò ghigni su 'n giurnàl e la i pòrta subìt a Mósca. I dū sicigliàṅ i vèn'n acsè fat partìr p'r al spasi.

Culegamènt estéran