La casa nel tempo

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg La casa nel tempo
Casa nel tempo.png
La Huff, Van Hoven e Hintz na figùra dal film
La cà in dal tèmp
1989
Regia: Lucio Fulci
Scritùr: Gianfranco Clerici
Lucio Fulci • Daniele Stroppa
Atùr: Karina HuffKeith Van HovenAl Cliver
Paolo PaoloniCarla CassolaPaolo Bernardi
Peter HintzBettine MilneMassimo Sarchielli
Müsica: Vince Tempera
Lengua: Itagliàṅ
Dürä dal film: 84 minüt
Nasiòṅ: Itàglia


«
S'al tèmp al turnìs indrē anc i nòstar pcâ i tacarév'n incóra.»
(Honoré de Balzac)


La casa nel tempo (La cà in dal tèmp) 'l è 'n film ad scarésa dal 1989 ad Lucio Fulci ch'al fava part dal prugèt televiśìṿ dla Reteitalia “Al cà maladìdi”, un grup ad quàtar pelìculi che dū mìstar dal śgriśōr cuma lò, ch'l à girâ anc La dolce casa degli orrori, e Umberto Lenzi (La casa del sortilegio e La casa delle anime erranti) i gh'ìvan da far par la Mediaset. Chi lavōr lè però i èṅ stâ 'n fiàsc parchè i éran tròp viulènt p'r i pasàǵ in televiśiòṅ e dònca l'òpra la n è mai stada traśmìsa in alóra.

Sunt

Vittorio Corsini (Paolo Paoloni) e sò mujér Sara (Bettine Milne) i èṅ dū vèć ch'i vìv'n in campàgna in na vila pîna 'd arlói ad tut i gènar. I lavōran sèg al giardinēr Piero (Al Cliver) e la badànta Maria (Carla Cassola). Chi lē un dè la cata in cantìna i cadàvar d'l anvōd dla còpia (Paolo Bernardi) e ad sò mujér (Francesca De Rose), cun dū fèrli insfilsàdi in dal còl. Quànd la diś a la Sara ch'la vōl andàr via, chi lē la la cópa.

In cal méntar tri śōvan laśaròṅ, Tony (Keith Van Hoven), Paul (Peter Hintz) e la Sandra (Karina Huff), i decìdan 'd andàr a rubàr par gudimènt a cà di vèć. Mént'r i èṅ drē a purtàr via tut qvél ch'i pōlan, a partìs par śbali un cōlp ad sćiòp e Vittorio al gh lasa 'l péni. Al grup 'l è custrét acsè a far-i fóra tut ma pò a sucéd che gl'arlói i tàc'n a 'ndàr a 'l indrē.

Culegamènt estéran