Lo squartatore di New York

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Lo squartatore di New York
Squartatore di new york.png
Andrea Occhipinti in na figùra dal film
Al scvartadōr ad New York
1982
Regia: Lucio Fulci
Scritùr: Gianfranco Clerici • Vincenzo Mannino
Lucio Fulci • Dardano Sacchetti
Atùr: Andrea OcchipintiAlexandra Delli Colli
Marsha MacBridePaolo MalcoHoward Ross
Almanta KellerAntone PagánJosh Cruze
Almanta SuskaDaniela DoriaCinzia de Ponti
Jack HedleyBarbara CupistiMichele Soavi
Müsica: Francesco De Masi
Lengua: ItagliàṅSpagnōl
Dürä dal film: 91 minüt
Nasiòṅ: Itàglia


«
New York: 'l è 'n bèl pòst da védar ma ta n vrév minga murìr-ag!»
(Tagline dal film)


Lo squartatore di New York (Al scvartadōr ad New York) 'l è 'n film śal e ad scarésa dal 1982 ad Lucio Fulci. In Itàglia 'l è vgnû fóra al 4 ad Mars muciànd sù da piò 'd un migliàrd ad Franc e faghénd bèṅ pò anc a 'l èstar.

Sunt

A New York 'n óm al buta 'n spróc a 'l sò caṅ ch'al gh al pòrt' indrē squasànd la cóa. Dòp 'n àtar tir la bèsta la cata però na maṅ cavàda via, qvéla dna putàna ch'l'éra sparìda in chi dè lè. Al caś al finìs a 'l tenènt Fred Williams (Jack Hedley) ch'al dmanda nutìsi a la pruprietària 'd 'n albêrg in du a durmìva la rója. Chi lē la gh diś che la ragàsa la gh'iva apuntamènt c'n un cliènt ch'al gh'iva la vóś cumpàgna a qvéla 'd Pavarèṅ. Soquànt dè dòp chi lò 'l in fà fóra n'atra ch'l'iva litgâ sèg e pò 'l ciàma Williams par dir-ag ch'al cuntinuarà incóra.

Al tenènt al dmanda ajùt a 'n prufesōr universitàri ch'l in sà dimóndi ad psichiatrìa, al dutōr fnòć Paul Davis (Paolo Malco), ma chi lò al sarvìs a pôc. Da n'atra banda dla sità na dóna in là c'n i an ma incóra bèla e ch'la s fà gusàr da di purturicàṅ in di bar, la Jane Lodge (Alexandra Delli Colli), la guàrda 'n spetàcul pòran cun davśèṅ 'n óm cun na bruta ghigna e sénsa dū dida, al grèc Mikos Scellenda (Howard Ross). Finî al spetàcul chi lōr dū lè i vaṅ a lèt insém mént'r al manìac invéci al masa cun na butìglia la dóna dal sexy show (Zora Kerowa) e pò anc cla ninéta dla Jane.

Più tard n'atra ragàsa, la Fay Majors (Almanta Keller), la la scampa par pôc in metrupulitàna. La finìs a 'l uśdàł e la cònta qvél ch'a gh'è sucès a 'l sò muróś Peter Bunch (Andrea Occhipinti) e a Williams. A và pèś invéci a la putàna Kitty (Daniela Doria) ch'la vèṅ cupàda cun na lama da raśōr. 'L è ciàr ch'al sasèṅ al gh 'l à c'n al dóni, specialmènt qvéli più bèli e qvéli più malnéti, giusà parchè.

Culegamènt estéran