Demonia

Da Wikipedia.

C'l artìcul chè 'l è scrit in Miranduléś Emiliàn

Demonia

La Paola Cozzo in na figùra dal film
Demònia
1990
Regìa: Lucio Fulci
Scritōr: Antonio Tentori
Pietro Regnoli • Lucio Fulci
Atōr: Meg RegisterGrady Thomas Clarkson
Brett HalseyChristina EnglehardtAl Cliver
Pascal DruantLino SalemmeCarla Cassola
Müsica: Giovanni Cristiani
Léngua: Itagliàṅ
Dürä dal film: 86 minüt
Nasiōṅ: Itàglia


«
Quànd 'l arbgàt al dvènta 'n quèl véra.»
(Tagline dal film)


Demonia (Demònia) 'l è 'n film ad scarésa dal 1990 ad Lucio Fulci.

Sunt

La Liza (Meg Register) l'è na śóvra archeòluga canadéśa ch'la fà 'n viàś in Sicìglia par di scâṿ in un sit archeulògic. A gh và sèg al prufesōr Paul Evans (Brett Halsey). La ragàsa l'armàgn culpìda guardànd un munastēr mediuevàł ch'al s cata in sima a na culìna in dal paéś ad Caltabellotta.

A Santa Rosalia s cònta che sinc-sènt an prima quàtar sōri e la màdar superióra i fùsan stadi misi in sla cróś parchè i tgnìvan a drē a 'l satanìśum e i fùsan anc dal malnéti spurcaciòni. La Liza in cal méntar la taca a 'vér di arbgàt e dal viśiòṅ ad quèi visû soquànt sècui prima.

La gint dal pòst la gh và còntar e anc al sìndig al gh diś ad lasàr al ròbi saplìdi cum i éran sèmpar stadi. A la Liza a n gh'è gnanc indivìś e la và dèntar listés in dal munastēr e lè la cgnós al maslàr dal paéś, Turi De Simone (Lino Salemme). Da drē da 'n mur la cata pò i rèst ad cal religióśi là. In cal méntar i tacàn di masamènt e la gint la créd ch'a sia na vindéta dal sōri stramaladìdi, tut par cólpa ad chi furastēr lè.

'N ispetōr ad pulisìa (Lucio Fulci) al taca a indagàr pinsànd che da drē ad tut a gh sia Turi ma a n è briśa acsè anc parchè chi lò al vîṅ pò catâ mòrt in dal sò negòsi.

Culegamènt estéran