Manhattan Baby

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Manhattan Baby
Manhattan baby.png
La Brigitta Boccoli in na figùra dal film
La putìna 'd Manhattan
1982
Regia: Lucio Fulci
Scritùr: Lucio Fulci
Dardano Sacchetti • Elisa Livia Briganti
Atùr: Christopher ConnellyBrigitta Boccoli
Laura LenziGiovanni FrezzaCinzia De Ponti
Cosimo CinieriCarlo De MejoAndrea Bosic
Müsica: Fabio Frizzi
Lengua: Itagliàṅ
Dürä dal film: 85 minüt
Nasiòṅ: Itàglia


«
Al t tîṅ 'd òć... da 'l Infèran!»
(Tagline dal film)


Manhattan Baby (La putìna 'd Manhattan) 'l è 'n film da scarésa dal 1982 ad Lucio Fulci, 'l ùltim dirèt da lò par la "Fulvia Film" ad Fabrizio De Angelis. L'òpra l'è stada giràda in sinc stmani.

La prutagunìsta dal film l'è na pìcula Brigitta Boccoli, surèla ad Benedicta, che pò la dvintarà famóśa p'r al sò partecipasiòṅ a Domenica In.

Sunt

In Egìt cun sèg sò mujér giurnalìsta Emily (Laura Lenzi), 'n archeòlug americàṅ, al prufesōr George Hacker (Christopher Connelly), al decìd 'd andàr a védar cuś a gh'è ad dènt'r dna tómba, faghénd 'n śgârb a 'n spìrit dal mâl ciamâ Abumbenor ch'al gh cava acsè la vista par vindéta. Sò fiōla Susie (Brigitta Boccoli), na putìna ad déś an, la tōś in regàl in na muschèa un cióndul purtafurtùna da na dóna órba, ch'la sarés pò na stria, ch'la gh diś ch'al tómbi i èṅ di mòrt.

Turnâ a New York, 'l archeòlug al guarìs e al pōl tiràr-as via al fasōli da i òć ma la sò putìna la vèṅ misa sóta da 'l fòrsi dal mâl.

Dòp soquànt masamènt e gint ch'la sparìs, 'l antiquàri Adrian Marcato (Cosimo Cinieri), ch'l éra drē a 'ndàr a fónd a 'l caś e 'l iva capî che la maledisòṅ dla Susie la daśvgnìva da 'l cióndul, al mōr in dal sò negòsi parchè gl'uśèi imbalsamâ ch'al gh tgniva dènt'r i tōś'n incór' vita. Hacker al tîṅ a drē a 'l sò cunsìli e 'l al buta via in dal fiùm East River. Ma la stria la gh 'n à di àtar da dar via.

Culegamènt estéran