Aenigma

Da Wikipedia.

C'l artìcul chè 'l è scrit in Miranduléś Emiliàn

Aenigma

La Milijana Zirojević in na figùra dal film
Mistēr
1987
Regìa: Lucio Fulci
Scritōr: Giorgio Mariuzzo • Lucio Fulci
Atōr: Milijana ZirojevićDragan Bjelogrlić
Jared MartinLara NakszyńskiSophie D'Aulan
Jennifer NaudLjiljana BlagojevićKathi Wise
Lara LambertiUlli ReinthalerRiccardo Acerbi
Müsica: Carlo Maria Cordio
Léngua: ItagliàṅIngléś
Dürä dal film: 90 minüt
Nasiōṅ: ItàgliaJuguślàvia


«
I aṅ tratâ la Kathy da pajàs na vòlta 'd tròp!»
(Tagline dal film)


Aenigma (Mistēr) 'l è 'n film ad scarésa dal 1987 ad Lucio Fulci girâ cun pôc bèsi a Belgrâd.

La trama l'arcòrda 'n pôc di àtar film ad scarésa cuma Patrick vive ancora (al prutagunìsta al finìs in còma e al pésca vindéta cóntar qvéi ch'i gh'aṅ fat dal mâł), Phenomena (al culéǵ par fémni pîṅ ad cumpàgni e insgnànti catìvi) e Carrie, lo sguardo di Satana (la ragàsa tòlta in gir che pò la s arlìa dimóndi).

Sunt

La Kathy (Milijana Zirojević) l'è na ragàsa ch'la stùdia a 'l St. Mary College, na scōla par fémni davśèṅ a Boston. La n è minga bòna ad far pèrdar la tèsta a i masć da 'l tant ch'l'è bruta, na bròca a dir-la tuta, ma na sira la gh la cava listés a 'vēr 'n apuntamènt c'n al śōv'n insgnànt ad ginàtisca, Fred Vernon (Riccardo Acerbi), ch'al la pòrta in màchina in campàgna par gusàr-'s-la ma 'l è tut un schèrs. Lò e tut i sò amìg dla scōla i rid'n ad lē e la Kathy la scapa via par la vargógna finénd sóta a na màchina. Purtàda a 'l uśdàł, l'armàgn in còma, cun sò màdar Mary (Dušica Žegarac) ch'la gh tîṅ adrē.

Al sò pòst in dla cambra a vîṅ tòlt par na studènta rivàda da pôc, l’Eva Gordon (Lara Nakszyński), ch'la fà i cònt subìt cun la diretōra d'l istitùt, la catìva sgnōra Jones (Ljiljana Blagojević). In na quàlc manéra al sarvèl dla Kathy al tōś al cuntròl dl’Eva e la gh fà far qvél ch'la vōl lē, p'r avér la sò vindéta, anc druànd di mèś cuma la striarìa. Fred al mōr p'r òpra dla sò figùra vgnuda fóra da 'n spèć e 'l ispetōr ad pulisìa (Lucio Fulci) al créd invéci ch'l àppia abû 'n atàc ad cōr. La nòt dòp 'l è 'l tùran dla Virginia Williams (Kathi Wise) ch'la gh lasa 'l péni quànd na sfilaràda 'd lumàghi i s insfìls'n in dla sò bóca sénsa che lē la pòsa dir bao.

Durànt i masamènt al sarvèl e i òrgan dla Kathy i pàran daśdàr-as ma 'l neuròlug Robert Anderson (Jared Martin) al n capìs minga parchè.

Culegamènt estéran