Quando Alice ruppe lo specchio

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Quando Alice ruppe lo specchio
Quando alice.png
Brett Halsey e la Zora Kerova in na figùra dal film
Quànd l'Alìce l'iva śbragâ 'l spèć
1988
Regia: Lucio Fulci
Scritùr: Lucio Fulci
Atùr: Brett HalseyMarco Di Stefano
Ria De SimoneAl CliverSacha Darwin
Zora KerovaMaurice PoliAntonio Maimone
Müsica: Carlo Maria Cordio
Lengua: Itagliàṅ
Dürä dal film: 82 minüt
Nasiòṅ: Itàglia


«
Gnanc una la gh scaparà.»
(Tagline dal film)


Quando Alice ruppe lo specchio (Quànd l'Alìce l'iva śbragâ 'l spèć) 'l è 'n film ad scarésa dal 1988 ad Lucio Fulci, dirét par l’Alpha Cinematografica, pinsâ a 'l inìsi p'r al marcâ televiśìṿ.

A 'l èst'r i al cgnósan cuma “El espejo roto” in Spaggna, “Soupçons de mort” in Frància, “When Alice Broke the Mirror” in dal Régn Unî e “O Espelho Partido” in dal Purtugàl.

Soquànti parti ad cal film chè i èṅ in séguit stadi druàdi anc p'r al film Un gatto nel cervello dal 1990.

Sunt

Lester Person (Brett Halsey) 'l è 'n óm armàś vedùṿ sénsa lavōr ch'al gh'à al ciòld fis par la mùśica clàsica, p'r i cavài e p'r al córsi, difàti al scumét sèmpar. Al gh'à però 'n àtar visi, qvél ad masàr e magnàr dal dóni vèci e/o bruti pîni ad bèsi, cgnusùdi cun di mesàǵ matrimuniài in si giurnài, par purtàr-gh-i via, anc parchè śugànd al s è ardùt in buléta e cun di dèbit a càrag.

Dòp avér-i cupàdi, al i magna, lò o al sò gat o i sò ninét, cuma s'i fùsan dal śóti. A 'n sèrt punt, a salta fóra 'n àtar tisi ch'al pâr lò ch'al taca a masàr cumpàgn a lò. A s mét in mèś anc un barbòṅ (Marco Di Stefano) ch'al 'l à arcgnusû durànt un masamènt ma Lester al al fà fóra miténd-al sóta cun la màchina.

Un dè Person al cgnós la Virginia (Zora Kerova) na dóna ch'la n sarés gnanc tant mâl s'a n fus par chi pòr ch'la gh'à 'd sōv'r i làbar. Chi lē però la sà al fat suo ma a gh'è anc 'n àtar prubléma p'r al malandrèṅ: la sò òra 'l è sparìda e quànd al gira p'r al stradi a n gh'è vèrs ad véd'r-la. Par lò i dè i pàran cuntâ: a 'l telegiurnàl i lèś'n al sò DNA.

Culegamènt estéran