Jean Sorel

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Jean Sorel cun sò mujér, l'Anna Maria Ferrero


Jean de Combault-Roquebrune, cgnusû méj cuma Jean Sorel (Marsìglia, 25 ad Setémbar dal 1934, a s lèś [ʒɑ̃ sɔʁɛl] in Francéś) 'l è 'n atōr francéś.

Biugrafìa

Fiōl ad nòbii francéś, Jean da śōvan al stùdia a l’École Normale Supérieure par dvintàr un diplumàtig ma pò al mòla incòsa par tacàr na caréra d'atōr. Da 'l 1956 a 'l 1957 al cumbàt in dla guèra 'd Algerìa pò in dal 1959 al fà 'l sò debùt a 'l cìnema cun al pelìcula Il colore della pelle.

In di an Ssanta al riva in Itàglia e in dal 1961 al spóśa l'atōra Anna Maria Ferrero. In chi an lè al gira dimóndi film cun Carlo Lizzani, Franco Brusati, Luchino Visconti e Dino Risi e òṅ anc cun Sidney Lumet, Uno sguardo dal ponte.

In dal 1967 al tōś part, insém a la Catherine Deneuve, a Bella di giorno ad Luis Buñuel e anc a Fai in fretta ad uccidermi... ho freddo!, cumèdia négra ad Francesco Maselli. 'L an dòp al lavóra cun la Catherine Spaak in Una ragazza piuttosto complicata ad Damiano Damiani. In séguit al gira dimóndi śai cuma Il dolce corpo di Deborah, Una sull'altra, Uccidete il vitello grasso e arrostitelo, Paranoia, La volpe dalla coda di velluto, Una lucertola con la pelle di donna e La corta notte delle bambole di vetro. In dal 1973 l'è la vòlta 'd Il giorno dello sciacallo ad Fred Zinnemann.

Par la pelìcula Le bambole 'l è andâ a prucès par via dna séna ch'a s cardìva 'd nûd dla Gina Lollobrigida mo invéci chi lē la gh'iva adòs na calsamàja. A difénd'r-al 'l à ciamâ 'n famóś avucàt penalìsta, Giovanni Leone, in séguit presidènt dla repùblica itagliàna.

Filmugrafìa

Culegamènt estéran