Quella villa accanto al cimitero

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Quella villa accanto al cimitero
Quella villa accanto al cimitero.png
La Pieroni e la MacColl in na figùra dal film
Cla vila là darènt a 'l simitèri
1981
Regia: Lucio Fulci
Scritùr: Elisa Livia Briganti • Lucio Fulci
Giorgio Mariuzzo • Dardano Sacchetti
Atùr: Katherine MacCollDagmar Lassander
Daniela DoriaAnia PieroniGiovanni Frezza
Silvia CollatinaGiovanni De NavaPaolo Malco
Müsica: Walter Rizzati
Lengua: Itagliàṅ
Dürä dal film: 87 minüt
Nasiòṅ: Itàglia


«
La vacànsa cun la famìja l'è finìda in un infèr'n ad sangṿ. Chi gh'è da drē a cal scarési chè acsè spavintóśi?»
(Tagline dal film)


Quella villa accanto al cimitero (Cla vila là darènt a 'l simitèri) 'l è 'n film ad scarésa dal 1981 ad Lucio Fulci. Cunsiderâ al secónd tìtul dla "Tilugìa dla mòrt", tri film girâ par Fulci fra 'l 1980 e 'l 1981 cun prutagunìsta la Catriona MacColl (i àtar i èṅ ...E tu vivrai nel terrore! L'aldilà e Paura nella città dei morti viventi), al film 'l è vgnû fóra in Itâglia al 14 'd Agóst dal 1981 faghénd sù 1.407.981.297 franc in tut.

Sunt

In na cantìna dna cà bandunàda a New Whitby, in dal New England, na ragàsa (Daniela Doria) l'è drē a mét'r-as i vistî adòs dòp avér fat na ciuladìna cun al sò muróś. Dòp avér-al ciamâ soquànti vòlti, sénsa avér rispòsta, chi lē la 'l cata mòrt, cupâ in na manéra 'd arvultàr al stómag. La n gh la cava minga però a scapàr via da 'd là parchè qualchidòṅ al gh insfìlsa un curtlàs in dla gnuca par pò purtàr-la via, traśànd-la par tèra.

In cal mént'r a New York al pìcul Bob (Giovanni Frezza) al buta 'l òć in sna futugrafìa in du a ś véd na putìna ch'la guàrda fóra da na fnèstra cun la téma adòs. I dū i gh la càvan a mét'r-as in cuntàt telepaticamènt.

Al pàd'r ad Bob, Norman (Paolo Malco), ch'al fà al risercadōr universitàri, al gh'à da spatinàr a New Whitby par purtàr avànti al lavōr dal sò culéga Peterson. Sò fiōl al próa a cunvìnsar lò e sò màdar, la Lucy (Catriona MacColl), a n partìr briśa ma a n gh'è gnint da far. Quànd i èṅ là, al prufesōr Muller (Lucio Fulci), al gh diś che Peterson al s è tòlt in cal méntar la vita dòp avér cupâ sò mujér. La putìna dla futugrafìa, la Mae (Silvia Collatina), l'è in pinsēr par Bob ma na vècia cun di vistî vèć tarulî adòs la gh in diś quàtar. La baghéta, guardànd in na vadrìna 'd un negòsi un manichèṅ, la gh'à na viśiòṅ dna tèsta dna dóna ch'la cróda par tèra in un lâg ad sangṿ.

Dòp ch'la Laura Glitterson (Dagmar Lassander), n'agìnta ch'la fita 'l cà, la gh'à dâ al ciàṿ dna vila, la famìja Boyle la sa stablìs finalmènt a New Whitby. In sò ajùt a riva la babysitter Ann (Ania Pieroni) par tgnir a drē a Bob ma la Lucy la gh'à la stésa viśiòṅ dla Mae, cun la tèsta dal manichèṅ ch'la pâr pròpria qvéla dl’Ann.

Culegamènt estéran