...E tu vivrai nel terrore! L'aldilà

Da Wikipedia.

C'l artìcul chè 'l è scrit in Miranduléś Emiliàn

...E tu vivrai nel terrore! L'aldilà

La MacColl e David Warbeck in na figùra dal film
...E tè 't vivrà in dal terōr! Al dadlà
1981
Regìa: Lucio Fulci
Scritōr: Dardano Sacchetti
Giorgio Mariuzzo • Lucio Fulci
Atōr: Katherine MacCollDavid Warbeck
Al CliverCinzia MonrealeAntoine Saint-John
Veronica LazarMichele MirabellaLarry Ray
Giovanni De NavaMaria Pia Marsala
Müsica: Fabio Frizzi
Walter E. Sear (par la versiòṅ USA)
Léngua: ItagliàṅIngléś
Dürä dal film: 87 minüt
Nasiōṅ: Itàglia


«
I sèt pasàǵ spavintóś par 'l Infèran i èṅ lugâ in sèt sit maladî... E da 'l dè ch'i us d'l Infèr'n i èṅ avèrt, i mòrt i giraràṅ su la Tèra.»
(Tagline dal film)


...E tu vivrai nel terrore! L'aldilà (...E tè 't vivrà in dal terōr! Al dadlà) 'l è 'n film ad scarésa dal 1981 ad Lucio Fulci. Òṅ di sò ślògan 'l éra «S'a v dgìsan che cal film chè al gh'à dèntar dal séni da ślar al sangṿ a prî pinsàr a 'l sòliti invensiòṅ publicitàri. Nuàt'r a v dgém sōl: vgnî dèntar s'a gh'î 'l curàǵ!».

Cunsiderâ al secónd tìtul dla "Tilugìa dla mòrt", tri film girâ par Fulci fra 'l 1980 e 'l 1981 cun prutagunìsta la Catriona MacColl (i àtar i èṅ Paura nella città dei morti viventi e Quella villa accanto al cimitero), al film 'l è stâ restaurâ par Quentin Tarantino e preśentâ par la prima vòlta sénsa taj in di Stat Unî in dal 1998.

Subìt dòp la séna in du 'l mōr quaciâ da di ragn ch'i s insfìls'n in bóca, 'l atōr Michele Mirabella, in séguit preśentadōr televiśìṿ, 'l è stâ mâł.

Sunt

In dal 1927 in Luiśiàna al pitōr Zweick (Antoine Saint-John), suspetâ 'd striarìa, al vÎṅ cruśifìs a 'l mur dla cantìna d'l hutèl “Sèt pòrti” e pò saplî sóta dla calsìna viva. Pròpria in cal mumènt lè na ragàsa ciamàda Emily (Cinzia Monreale) la lèś un lìbar da 'l tìtul “Eibon” e la vîṅ a savēr che 'l hutèl 'l è stâ tirâ sù su òṅ di sèt pasàǵ par 'l Infèran.

Soquànt an dòp, in dal 1981, na śōvna 'd New York, la Liza Merril (Catriona MacColl), la riva a New Orleans par mét'r a pòst al “Sèt pòrti” ch'l'à ereditâ. Al palàs 'l è dimóndi mis mâł e la dóna la s fà jutàr in di lavōr par 'l architét Martin Avery (Michele Mirabella) e par la dóna di fat, la Martha (Veronica Lazar). A 'l impruvìś un śbiangśèṅ al śbliśga śò da 'n puntéǵ mént'r al tîṅ 'd òć na ragàsa òrba ch'la stava a la fnèstra dna cà darènt. A riva 'l mèdag John McCabe (David Warbeck) par curàr-al parchè al pardìva dimóndi sangṿ par la bóca e acsè al gh'à la manéra 'd cgnósar la Liza.

Par giustàr na tubadùra da l'àqua d'l hutèl 'l idràulic Joe (Giovanni De Nava) al và śò in cantìna ma śbragànd un mur a salta fóra 'l tanabùś in du 'l éra stâ inciuldâ Zweick. Na maṅ 'd un cadàvar 'l al ciàpa e pò la gh cava i òć.

Méntar la Liza l'è drē a pasàr un pònt cun la màchina, la fà a mènt a la ragàsa biónda òrba sò vśina 'd cà cumpagnàda p'r un caṅ lóv. Chi lē, ch'la s ciàma Emily (Cinzia Monreale), la gh cunsìlia 'd scapàr via in présia da 'd lè ma la n dà minga spiegasiòṅ.

Culegamènt estéran