00-2 agenti segretissimi

Da Wikipedia.

C'l artìcul chè 'l è scrit in Miranduléś Emiliàn

00-2 agenti segretissimi

Ingrassia e Franchi in na figùra dal film
00-2 agìnt segretìsim
1964
Regìa: Lucio Fulci
Scritōr: Vittorio Metz
Lucio Fulci • Amedeo Sollazzo
Atōr: Franco FranchiCiccio Ingrassia
Carla CalòIngrid SchoellerLuca Sportelli
Annie GorassiniPoldo BendandiNino Terzo
Enzo AndronicoMary ArdenAroldo Tieri
Müsica: Piero Umiliani
Léngua: ItagliàṅSicigliàṅRus
Dürä dal film: 83 minüt
Nasiōṅ: Itàglia


«
Al spii i èṅ armàśi fóra a 'l Sōl... par tròp tèmp!»
(Tagline dal film)


00-2 agenti segretissimi (00-2 agìnt segretìsim) l'è na cumèdia dal 1964 ad Lucio Fulci cun prutagunìsta Franco Franchi e Ciccio Ingrassia.

Sunt

Na còpia 'd làdar minciòṅ sicigliàṅ, Franco (Franco Franchi) e Ciccio (Ciccio Ingrassia), i finìs'n in na trapla di servìsi segrét di Stat Unî ch'i gh'aṅ biśógn ad dū deficènt da far pasàr par di sò agìnt par fargàr i suviètig ch'i péscan na fórmula segréta di americàṅ cardénd ch'la sia lugàda in n'uturasiòṅ 'd un dènt 'd òṅ di sò óm.

'D acòrd c'n al sò cumputer Armànd, al cap dla CIA in Itàglia (Luca Sportelli) al spedìs i dū in dla rivéra francéśa, saénd ch'i rus i gh andràṅ adrē, méntar gl'agìnt véra i puràṅ scapàr via sénsa prubléma. Quànd i dū i rìv'n in Frància, dal spii dóna dal KGB i próan a 'ndàr a lèt sèg ma i n gh la càvan briśa parchè Franco e Ciccio i s èṅ bruśâ la pèla a fòrsa 'd armàgnar sóta 'l Sōl e dònca i gh'aṅ fastìdi a èsar tucâ. Cardénd dònca ch'i sìan di fnòć i rus i gh mànd'n in cambra dū culturìsta gay ma i dū sicigliàṅ i gh la càv'n a scapàr via e, tgnénd adrē a di mesàǵ in còdas, i finìs'n a 'l hutèl Ritz in du di sicàri i próan a far-i fóra in fiṅ tant ch'i s mét'n in mèś anc i servìsi segrét cinéś.

Culegamènt estéran