L'uomo che sapeva troppo (film 1956)
|
C'l artìcul chè 'l è scrit in
Miranduléś |
 The Man Who Knew Too Much | ||
| L'uomo che sapeva troppo | ||
 La Doris Day e James Stewart in na figùra dal film | ||
| 'L óm ch'al saìva tròp 1956 | ||
|---|---|---|
| Regìa: Alfred Hitchcock | ||
| Scritōr: D.B. Wyndham-Lewis Charles Bennett • John Michael Hayes | ||
| Atōr: James Stewart • Doris Day • Ralph Truman Bernard Miles • Brenda De Banzie • Daniel Gélin Alix Talton • Christopher Olsen • Alan Mowbray Mogens Wieth • Hillary Brooke • Reggie Nalder Carolyn Jones • Noel Willman • Richard Wattis | ||
| Müsica: Bernard Herrmann • Arthur Benjamin | ||
| Léngua: Ingléś • Francéś • Àrab | ||
| Dürä dal film: 120 minüt | ||
| Nasiōṅ: Stat Unî • Régn Unî | ||
L'uomo che sapeva troppo (’L óm ch'al saìva tròp) 'l è 'n thriller dal 1956 'd Alfred Hitchcock, arfacimènt 'd un sò film umònim dal 1934 prudót in dal Régn Unî.
La pelìcula l'è stada preśentàda a 'l nôn Fèstival ad Cannes.
Al film, girâ par gl'intéran in di studi dla Paramount Pictures e par gl'estéran in Maròc e a Lóndra, 'l à muciâ sù da piò 'd ùndas migliòṅ ad dòlar dòp ès'r-an custâ sōl òṅ e dū.
Sunt
[mudéfica la surzéia]Dū turìsta americàṅ, al dutōr Ben McKenna (James Stewart) e sò mujér Jo (Doris Day), i èṅ i viàś in Maròc insém a 'l sò putèṅ Hank (Christopher Olsen). In sla curéra ch'la i pòrta a Marrakech i cgnósan un persunàǵ strâṅ, Louis Bernard (Daniel Gélin), ch'al taca a ciacaràr sèg. Più tard, rivâ in d'l albêrg, i McKenna i màgnan in un risturànt un pui c'n i dî, cum a s fà da cal bandi là, insém a na còpia ingléśa, Edward (Bernard Miles) e la Lucy Drayton (Brenda De Banzie). I pàsan la sira sèg dòp avér vdû che anc Bernard al s cata lè.
Al dè dòp, faghénd un gir p'r al marcâ dla sità, i védan 'n óm ch'al s gh para incóntar cun un curtlàs insfilsâ in dla schina. Prima ad murìr, chi lò al gh diś che 'n impurtànt óm ad stat al sarà fat fóra a Lóndra e al s arcmànda 'd andàr a pascàr là "Ambrose Chapel". Chi lò al n è àtar che Louis Bernard cun i pagn adòs 'd un maruchèṅ e cun al grugn piturâ ad scûr.
La pulisìa la ciàma gl'americàṅ in cumisariâ par 'n interugatòri ma prima chi lōr i ricévan na telefunàda ch'la diś 'd a n dir gnint su qvél ch'al gh'iva dit Bernand o sinò al sò putèṅ Hank, ch'in cal méntar 'l éra stâ purtâ via, al gnarà cupâ.
La canta Qué Será, Será
[mudéfica la surzéia]In dal film la Doris Day la canta al braṅ Whatever Will Be, Will Be (Qué Será, Será) (Qvél ch'a sarà, a sarà) che pò al vins'rà al Prèmi Òscar.