Il club dei 39

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg The 39 Steps
Il club dei 39
Club dei 39.png
La Madeleine Carroll e Robert Donat in na figùra dal film
Al club di 39
1935
Regia: Alfred Hitchcock
Scritùr: John Buchan • Charles Bennett • Alma Reville
Atùr: Robert DonatMadeleine CarrollLucie Mannheim
Godfrey TearleJohn LauriePeggy AshcroftHelen Haye
Müsica: Hubert Bath • Jack Beaver • Charles Williams
Dürä dal film: 81 minüt
Lengua: Ingléś
Nasiòun/Paèiş: {{{Nasiòun/Paèiş}}}


«
'L ÓM ch'l à mis 'l ÓM in dal rÓMàntic.»
(Tagline dal film)


Il club dei 39 (Al club di 39) 'l è 'n film thriller dal 1935 'd Alfred Hitchcock trat da 'l rumànś I trénta-nóṿ scalèṅ ad John Buchan. In Itâglia 'l è cgnusû anc c'n al nóm 'd I 39 scalini e 'l è stâ girâ in biànc e négar.

In dal 1999 al British Film Institute al 'l à mis a 'l quàrt pòst di sènt film britànic fat méj dal XX sècul.

Sunt

Richard Hannay (Robert Donat) 'l è 'n canadéś a Lóndra par di afâr. Na sira al và a teàtar par véd'r un spetàcul ad Mister Memory (Wylie Watson), òṅ ch'al gh'à la memòria ad Pic dla Miràndla e al sà rispóndar a tut qvél ch'a gh vèṅ dmandâ. A 'd un sèrt punt a s sènt un sćiòp fra 'l pùblic e a mónta sù na casutarìa. In mèś a 'l caśèṅ Hannay al juta na dóna a scapàr via sèg. Chi lē la diś ad ciamàr-'s Annabella Smith (Lucie Mannheim) e la gh dmanda ad psēr pasàr la nòt da lò.

Rivâ in d'l apartamènt che Richard al gh'à a Portland Place, la dóna la gh cònta 'd èsar n'agìnta di servìsi segrét ingléś e ch'l'è drē a pascàr qvéi dn'urganiśasiòṅ ad spìi ciamàda “I trénta-nóṿ scalèṅ”. Chi lōr i vrévan purtàr via i piàṅ par muntàr gl'aparéć militàr dal Régn Unî. In teàtar l'éra stada 'rcgnusùda e alóra, par paràr via tut qvi là, l'iva sparâ 'n cōlp a salve. Al cap dl'urganiśasiòṅ al cambia nóm e aspèt da spés ma al s pōl arcgnósar listés parchè a gh manca 'n pès dal dî mìgnul in dla maṅ dèstra.

Durànt la nòt l’Annabella la ciàpa na scurtlàda da qualchidòṅ ma prima 'd murìr almànc la fà in tèmp a numinàr a Richard al nóm dal pòst in dua la gh'iva d'andàr par la sò misiòṅ in Scòsia. P'r al fat che la dóna la sia mòrta in cà sua, Hannay al gh'à tut i òć adòs e la pulisìa la créd ch'al sia stâ lò a cupàr-la. 'L óm al tōś un trên p'r andàr in dua la gh'à dit 'd andàr l’Annabella ma anc lè al gh'à i pulisiòt ch'i gh tìn'n a drē. P'r a n far-as minga védar e p'r èsar lasâ in paś méntar i pulisìot i pàsan p'r al sò scumpartimènt, 'l óm al s prila e al taca a baśar na ragasōla sintàda lè davśèṅ, la Pamela (Madeleine Carroll).

Culegamènt estéran