Doris Day

Da Wikipedia.

C'l artìcul chè 'l è scrit in Miranduléś Emiliàn

La Doris Day tòlta śò in dal 1957


«
When I was just a little girl I asked my mother what will I be, will I be pretty, will I be rich, here's what she said to me, que será, será, whatever will be, will be, the future's not ours to see, que será, será.»
(EN)(Whatever will be (que sera sera), 1956)
«
Quànd a séra sōl na ragasōla a iva dmandâ a mè màdar qvél ch'a sarév dvintàda, sarò-j-a blina? sarò-j-a rica? qvést 'l è quél ch'la m à dit, que será, será, qvél ch'a gh'à da vgnir, al vgnarà, al futûr al n è minga 'n quèl che nuàt'r a psém védar, que será, será.»
(MUD)


La Doris Mary Anne Kappelhoff, cgnusùda méj cuma Doris Day (Cincinnati, 3 'd Avrìl dal 1922 - Carmel, 13 ad Maǵ dal 2019), l'è stada na cantànta e atōra americàna, famóśa anc p'r al sò scutmàj ad Muróśa dl'Amèrica. Spuśàda quàtar vòlti e c'n un fiōl ciamâ Terry Melcher ch'l è andâ in a risć 'd èsar cupâ par Charles Manson insém a la Sharon Tate, in dal 2004 l'à ciapâ la Mdaja Presidensiàla dla Libertà da 'l presidènt George W. Bush.

L'à catâ 'l sucès radiufònig e discugràfic in di an Quarànta cuma cantànta jazz, muciànd sù da piò ad 650 canti, e pò anc cuma atōra in di an Ssanta laurànd in 39 film cun di regìsta cuma Alfred Hitchcock (in L'uomo che sapeva troppo) e David Miller (Merletto di mezzanotte) e atōr cuma Rock Hudson, John Gavin, Cary Grant e Jack Lemmon.

In séguit, da 'l 1968 a 'l 1973, l'à tòlt part a la sitcom a sò nóm The Doris Day Show faghénd 128 epiśòdi par pò ritiràr-as da 'l mónd dal spetàcul par dar vita a n'asuciasiòṅ da la banda dal bèsti, la Doris Day Animal League. Candidàda a 'l Prèmi Òscar par la pelìcula Il letto racconta, in dal 2008 l'à vins un Grammy Award a la caréra. L'è mòrta 'd palmunît in dla sò cà in Califòrgna ch'la gh'iva nuànta-sèt an.

Discugrafìa

La Day in dal film „'L óm ch'al saìva tròp“
La Doris in na fóto dal 1846
La Doris Day insém a Gordon MacRae
L'atōra in dal film „Pis ad meśanòt“
Insém a Terry-Thomas in na figùra 'd „Cuś à't fat quànd a sém armàś a 'l scûr?“

Àlbum (minga tut)

  • 1949 - You're My Thrill
  • 1950 - Young Man with a Horn
  • 1950 - Tea for Two
  • 1951 - Lullaby of Broadway
  • 1951 - On Moonlight Bay
  • 1951 - I'll See You in My Dreams
  • 1953 - By the Light of the Silvery Moon
  • 1953 - Calamity Jane
  • 1954 - Young at Heart
  • 1955 - Love Me or Leave Me
  • 1955 - Day Dreams
  • 1956 - Day by Day
  • 1957 - The Pajama Game
  • 1957 - Day by Night
  • 1958 - Hooray for Hollywood
  • 1959 - Cuttin' Capers
  • 1960 - What Every Girl Should Know
  • 1960 - Show Time
  • 1961 - Bright and Shiny
  • 1961 - I Have Dreamed
  • 1962 - Duet
  • 1962 - You'll Never Walk Alone
  • 1962 - Billy Rose's Jumbo
  • 1963 - Annie Get Your Gun
  • 1963 - Love Him
  • 1964 - The Doris Day Christmas Album
  • 1964 - With a Smile and a Song
  • 1965 - Latin for Lovers
  • 1965 - Doris Day's Sentimental Journey
  • 1994 - The Love Album
  • 2011 - My Heart

Filmugrafìa

Culegamènt estéran