Il sospetto

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Suspicion
Il sospetto
Sospetto.png
Cary Grant e la Joan Fontaine in na figùra dal film
Al suspèt
1941
Regia: Alfred Hitchcock
Scritùr: Anthony Berkeley • Joan Harrison
Samson Raphaelson • Alma Reville
Atùr: Cary GrantJoan FontaineNigel Bruce
Cedric HardwickeMay WhittyIsabel Jeans
Müsica: Franz Waxman
Lengua: Ingléś
Dürä dal film: 99 minüt
Nasiòṅ: Stat Unî


«
Fra i sò bras la s sintìva a 'l sicûr, quànd al n gh'éra mia śmartlàda da la paùra!»
(Tagline dal film)


Il sospetto (Al suspèt) 'l è 'n thriller psiculògic dal 1941 'd Alfred Hitchcock, girâ in biànc e négar, ch'l à frutâ 'l Prèmi Òscar par la prutagunìsta, la Joan Fontaine.

Custâ un migliòṅ e òṅ ad dòlar, al 'n à pò muciâ sù quàt'r e mèś. 'L è stâ girâ in Califòrgna.

Sunt

Johnnie Aysgarth (Cary Grant) 'l è 'n bèl óm e anc un squàsa-marléti patintâ. Un dè su 'n trêṅ al cgnós la Lina McLaidlaw (Joan Fontaine), na dóna rica fiōla dal generàł McLaidlaw (Cedric Hardwicke). Chi lē la pèrd la tèsta par lò, ch'al gh sà far cun cal dóni, e la decìd ad spuśàr-'l anc s'i suo i èṅ cuntràri parchè lò al n gh'à minga 'n lavōr, al śōga 'd cuntìnuv e al viṿ cun di bèsi tòlt in prèst.

Turnâ da 'l viàś ad nòsi la Lina la 'l cunvìns a 'ndàr a lauràr p'r un sò cuśèṅ, al capitàṅ George Melbeck (Leo G. Carroll), e ad śmét'r ad śugàr a i cavài. Chi lò a paròli al gh astà ma l'è tuta na cumèdia parchè pò al vîṅ licensiâ p'r avér fargâ di bèsi e pò al gh dà dènt'r incóra c'n al śōg tant che par pagàr i sò dèbit al vénd dū vèci pultròni 'd famìja che McLaidlaw al gh'iva regalâ p'r al matrimòni. La Lina la próa a scrìvar na létra, cun di lagarmòṅ a i òć, par dir-ag ch'la 'l vōl mulàr ma la n gh la cava mia parchè la gh vōl tròp bèṅ par far-al. In cal méntar Johnnie al dvènta sòci 'd un sò amìg ingènuv, Gordon Cochrane Thwaite dit "Beaky" (Nigel Bruce), che però subìt dòp al mōr in na manéra strana durànt un viàś a Parì.

Dòp che sò marè 'l à dmandâ di cunsìli a na scritōra 'd śai, l’Isobel Sedbusk (Auriol Lee), e su di vlèṅ da druàr par masàr sénsa lasàr dal trasi, a la Lina a gh prila par la tèsta 'l pinsēr ch'adès 'l è 'l sò tùran, anc parchè la gh'à n'asicurasiòṅ su la vita. Na sira Johnnie al gh pòrta 'n bicér ad lat da bév'r in dal méntar ch'l'è a lèt, un lat tant biànc ch'a pâr ch'a gh sia na lampadìna dèntar.

Culegamènt estéran