Io ti salverò

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Spellbound
Io ti salverò
Io ti salvero.png
Gregory Peck e l'Ingrid Bergman in na figùra dal film
Mè a t salvarò
1945
Regia: Alfred Hitchcock
Scritùr: Francis Beeding • Ben Hecht
Atùr: Ingrid BergmanGregory PeckMichael Chekhov
Leo G. CarrollRhonda FlemingJohn EmeryNorman Lloyd
Müsica: Miklòs Ròzsa
Dürä dal film: 111 minüt
Lengua: Ingléś


«
M darà'l un baś o è'l drē a masàr-um?»
(Tagline dal film)


Io ti salverò (Mè a t salvarò) 'l è 'n film śal dal 1945 'd Alfred Hitchcock trat da 'l rumànś La cà dal dutōr Edwards ad Francis Beeding. Al prudutōr 'l è David O. Selznick.

Al film, girâ in biànc e négar, 'l è stâ numinâ par siē vòlti p'r i Prèmi Òscar dal 1946 vinsénd qvél par la culòna sunóra fata méj.

Custâ un migliòṅ e mèś ad dòlar, al 'n à pò purtâ a cà sèt a rivàr a 'l 1947. I diségn dal sógn i èṅ stâ fat par Salvador Dalí.

Sunt

La duturésa Constance Peterson (Ingrid Bergman) la lavóra in na clìnica psichiàtrica in dal Vermònt ciamàda Green Manors (Vila Vérda) dirèta p'r al dutōr Murchison (Leo G. Carroll). Chi lò l'à fat admànda p'r andàr in pensiòṅ prima parchè al gh'à 'n eśaurimènt narvóś. A 'l sò pòst al gh'à da rivàr al śóv'n e brâv dutōr Edwards.

Quànd al s preśénta lè però a s capìs subìt che 'l óm (Gregory Peck) al gh'à quèl ch'a traśa parchè al s daśméndga facilmènt i quèi e al s cupatìs briśa la néṿ e védar dal righi tiràdi su sfónd biànc, cuma qvéli dna fursìna in sla tṿaja. Faghénd un cunfrònt cun la sò firma e qvéla dal dutōr Edwards, la Constance la s rénd cònt che lò al n è minga la parsòna ch'la diś 'd èsar. A s créd ch'al pòvar dutōr Edwards al sia mòrt e lò 'l àppia tòlt al sò pòst dòp avér-al cupâ.

La duturésa Peterson, ch'in cal méntar l'è drē a inamuràr-'s ad lò, la gh vōl andàr a fónd, esénd dl'idéa che lò al n gh àppia minga cólpa. Jutàda p'r al dutōr Alexander Brulov, un prufesōr ad psicanàliśi, la próa a interpretàr òṅ di sò sógn. A salta fóra che 'l óm al s ciàma dabòṅ John Ballantine e ch'al gh'à un cumplès ad cólpa p'r un fat sucès in di tèmp indrē.

Culegamènt estéran