Il pensionante (film 1927)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Lodger:
A Story of the London Fog
Il pensionante
Il pensionante (film 1927).png
Ivor Novello in na figùra dal film
Al pensiunànt
1927
Regìa: Alfred Hitchcock
Scritōr: Marie Belloc Lowndes
Eliot Stannard • Alfred Hitchcock
Atōr: Ivor NovelloMarie AultJune Tripp
Arthur ChesneyMalcolm KeenAlma Reville
Müsica: Ashley Irwin (1999)
Léngua: /
Dürä dal film: 92 minüt
Nasiōṅ: Régn Unî


Il pensionante (Al pensiunànt), cgnusû in Itàglia anc c'n al tìtul ad L'inquilino, 'l è 'n thriller mut in biànc e négar britànic dal 1927 'd Alfred Hitchcock.

Sunt

A Lóndra un masadōr seriàł cgnusû cuma 'l „Vendicadōr“ al è mis a cupàr dal śōvni c'n i cavìi biónd, ad martedè 'd sira. La mudèla Daisy Bunting (June Tripp), ch'la gh'à i cavìi ad cal culōr lè, l'è in pinsēr acsè cuma 'l sò culéghi ch'i prōv'n a prutèś'r-as druànd dal pirùchi o tinśénd i cavìi 'd négar. Anc al muróś dla ragàsa, al pulisiòt Joe (Malcolm Keen), e i sò genitōr (Arthur Chesney e la Marie Ault) i aṅ savû la nutìsia lśénd i giurnài.

Un dè in dla pensiòṅ di Bunting a riva 'n furastēr śōvan, Jonathan (Ivor Novello), vistî c'n un tabàr négar, na siàrpa e na bórsa sèg. Chi lò, ch'al sumìlia a la descrisiòṅ dal sasèṅ, al vōl quèl da magnàr e na cambra p'r un méś. La sgnōra Bunting, dòp èsar stada pagàda, la gh fà védar na cambra in du in di mur a gh'è di quàdar cun di ritràt ad dóni bèli, śōvni e bióndi. 'L óm al dmanda ch'i quàdar i végnan tirâ via, ch'i gh fànan sèns, e a riva la Daisy a far-al. Fra i dū a nas quèl e a Joe, ch'al gh'à 'l incàr'g ad tgnir adrē a 'l caś dal „Vendicadōr“, cal lavōr lè al n gh piàś pròpria par gnint.

Al martedè dòp n'atra ragàsa biónda la vîṅ catàda mòrta in cal quartēr lè. La sgnōra Bunting, ch'la 'l à vdû andàr via in mèś a la fumàna, l'è sicùra ch'al manìag al sia pròpria 'l pensiunànt péna rivâ e la próa a śluntanàr-al da sò fiōla. La ragàsa però la n in vōl mia savēr e la mòla Joe p'r armàgnar sèg.

Culegamènt estéran