Il prigioniero di Amsterdam

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Foreign Correspondent
Il prigioniero di Amsterdam
Prigioniero di Amsterdam.png
La Laraine Day e Joel McCrea in na figùra dal film
Al parśunēr 'd Amsterdam
1940
Regia: Alfred Hitchcock
Scritùr: Charles Bennett • Joan Harrison
Atùr: Joel McCreaLaraine DayGeorge Sanders
Herbert MarshallAlbert BassermannIan Wolfe
George SandersRobert BenchleyEddie Conrad
Müsica: Alfred Newman
Lengua: IngléśUlandéśLètun
Dürä dal film: 120 minüt
Nasiòṅ: Stat Unî


«
Al śgriśōr spetaculàr d'l an!»
(Tagline dal film)


Il prigioniero di Amsterdam (Al parśunēr 'd Amsterdam), cgnusû anc cuma Corrispondente 17, 'l è 'n film thriller dal 1940 'd Alfred Hitchcock girâ in biànc e négar.

Custâ un migliòṅ e mèś ad dòlar a 'l incìrca, al 'n à pò purtâ a cà praticamènt àtar tant.

Sunt

In dl'Istâ dal 1939 al diretōr dal New York Morning Globe, al sgnōr Powers (Harry Davenport), al n è minga cuntènt di servìsi ch'i gh rìvan da l'Europa, in du a s sém dimóndi davśèṅ a la guèra, e al spedìs al sò curispundènt nóṿ Johnny Jones (Joel McCrea) a Lóndra. Chi lò al sarnìs ad druàr al nóm fals 'd Huntley Haverstock.

Rivâ in Inghiltèra, Jones al vîṅ invidâ a clasiòṅ a na fèsta dal Partî Paśifìsta Universàł in unōr ad Van Meer (Albert Bassermann), un vèć diplumàtig ulandéś impgnâ in na discusiòṅ difìcila par paràr via la guèra. Durànt al ricevimènt chi lò al sparìs tut 'd un trat e pò al manda 'n telegràma par scuśàr-as. Jones al cgnós Stephen Fisher (Herbert Marshall), al presidènt dal partî, e sò fiōla Carol (Laraine Day), ch'la 'l fà inamuràr.

Infurmâ che Van Meer al gh'à da dascórar a na cunferénsa par la paś a Àmsterdam, Jones al próa a incruśàr-al sóta la piōva ma 'n futógrafar 'l al cópa sparànd-ag. In mèś a cal sapèl lè, al giurnalìsta al finìs dènt'r a na màchina in du i viàśan la Carol e 'n àtar giurnalìsta, Scott Ffolliott (George Sanders).

Dòp èsar finî in dla campàgna ulandéśa, in mèś a di mulèṅ a vènt, Jonas al fà a mènt a 'n quèl dimóndi strâṅ. Na pala 'd un mulèṅ la taca a giràr a 'l cuntràri pròpria méntar 'n aparéć 'l è drē a pasàr da 'd lè. Chè a gh'è quèl ch'a traśa. Al curispundènt al s persuàd ch'a s trata dna strulgàda par mandàr di mesàǵ segrét.

Culegamènt estéran