Intrigo internazionale
|
C'l artìcul chè 'l è scrit in
Miranduléś |
 North by Northwest
| ||
| Intrigo internazionale | ||
 Cary Grant e Martin Landau in na figùra dal film | ||
| Intrîg internasiunàł 1959 | ||
|---|---|---|
| Regìa: Alfred Hitchcock | ||
| Scritōr: Ernest Lehman | ||
| Atōr: Cary Grant • Eva Marie Saint • James Mason Jessie Royce Landis • Martin Landau • Philip Ober Edward Binns • Philip Coolidge • Les Tremayne Josephine Hutchinson • Edward Platt • Ken Lynch Leo G. Carroll • Robert Ellenstein • Adam Williams | ||
| Müsica: Bernard Herrmann | ||
| Léngua: Ingléś | ||
| Dürä dal film: 136 minüt | ||
| Nasiōṅ: Stat Unî | ||
Intrigo internazionale (Intrîg internasiunàł) 'l è 'n film thriller dal 1959 'd Alfred Hitchcock. 'L à fat sù da piò ad trédas migliòṅ ad dòlar c'n un cóst ad tri.
'L è stâ candidâ a tri Prèmi Òscar mo al n à purtâ a cà gnint.
Sunt
Mént'r al s cata in d'l hutèl Plaza ad New York, 'l agìnt publisitàri Roger Thornhill (Cary Grant) al vèṅ farmâ sénsa mutìṿ da dū óm ch'i al ciàman George Kaplan. Chi lōr i al tìnan sòdi par pò spinś'r-al in màchina par purtàr-al, cónt'r al sò vulēr, in dla vila 'd 'n óm ciamâ Lester Townsend (Philip Ober), davśèṅ a Glen Cove, a Long Island. Chè 'l è custrét prima a rispónd'r a dal dmandi ad Townsend e dal sò scagnòs Leonard (Martin Landau) e pò a mandàr śò soquànt bicér ad whisky che lōr i gh dànan par far-al dvintàr imbariàg. Mis incóra in màchina, chi lōr i próan a cupàr-al finśénd 'n incidènt stradàl ma Roger al la scampa, sōl p'r èsar farmâ pò da la pulisìa parchè al gh'à la bala.
Dòp che Thornill al gh'à cuntâ incòsa, la pulisìa la và a cà ad Lester ma la n gh cata gnint, anc parchè i faṅ tut in présia. Vgnû a savér che Townsend al lavóra a 'l O.N.U. cuma diplumàtic, Thornhill al decìd 'd indagàr par sò cònt, andànd-'l a catàr là. Quànd 'l al véd però al capìs ch'a n s trata minga d'l óm dla vila. Al n fà gnanc in tèmp a scambiàr quàtar paròli sèg che lò al vèṅ cupâ. In dal tintatìṿ ad dar-'g ajùt, Roger al gh s davśìna pròpria quànd i futógraf i al tìran śò cun al curtlàs dal masamènt in maṅ. Batśâ da tut cuma 'l culpévul, Thornhill 'l è custrét a scapàr via e a lugàr-as. Durànt un viàś in trên par Chicago, chi lò al cgnós la bèla Eva Kendall (Eva Marie Saint) che, anc s'la 'l à arcgnusû, la gh śibìs ad jutàr-al listés.