La signora scompare

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Lady Vanishes
La signora scompare
Signora scompare.png
La Whitty e la Lockwood in na figùra dal film
La sgnōra la sparìs
1938
Regia: Alfred Hitchcock
Scritùr: Ethel Lina White
Sidney Gilliat • Frank Launder
Atùr: Michael RedgraveMargaret Lockwood
May WhittyLinden TraversNaughton Wayne
Paul LukasCecil ParkerBasil Radford
Müsica: Louis Levy • Charles Williams
Lengua: IngléśTedéscFrancéśItagliàṅ
Dürä dal film: 97 minüt
Nasiòṅ: Régn Unî


«
Spìi! Śugànd al śōg d'l amōr, la mòrt tut 'd un trat!»
(Tagline dal film)


La signora scompare (La sgnōra la sparìs) 'l è 'n film thriller dal 1938, girâ in biànc e négar, 'd Alfred Hitchcock ch'al fà part dal sò perìud ingléś.

'L è trat da 'l rumànś Al mistēr dla sgnóra sparìda dl'Ethel Lina White. In dal 1979 'l è stâ fat 'n arfacimènt americàṅ c'n al tìtul 'd Il mistero della signora scomparsa cun l'Angela Lansbury e Elliott Gould.

Sunt

Un trēn al viàśa da i Balcàṅ vèrs Lóndra ma na valànga la 'l blòca in un vilàǵ spardû in sal muntàggni. La gint l'è custréta a muntàr śò e a 'ndàr in 'n albêrg a pasàr la nòt. Soquànt i èṅ ingléś; a gh'è l’Iris Henderson (Margaret Lockwood), na śóvna fiōla 'd 'n imprendidōr ch'al vénd la marmelàda ch'la s cata là parchè la gh'à da turnàr in dal Régn Unî par spuśàr-as, la Miss Froy (May Whitty), na vècia sgnóra in tailleur ch'l'inséggna mùśica, Caldicott (Naughton Wayne) e Charters (Basil Radford) ch'i gh'àṅ i maròṅ girâ parchè i n gh la cav'raṅ minga a rivàr in tèmp a Manchester par védar na finàl ad cricket, Gilbert, un muśicìsta ch'al và in gir a tiràr śò di cant pupulàr, e dū amànt ch'i n vōlan mia ès'r arcgnusû.

Durànt la nòt, 'n óm al canta n'inserenàda in strada sunànd la sò chitàra. Méntar la Miss Froy la 'l ascólta stand in dla sò cambra, chi lò al veṅ tut 'd un trat strangulâ.

Al dè dòp al viàś al pōl cuntinuàr ma l’Iris la patìs prima 'n incidènt dimóndi periculóś: in dal méntar ch'l'è drē a catàr sù gl'uciài dla Miss Froy, un vaś ad fiōr al casca śò da 'n bancalét dna cà e al và in a risć ad cupàr-la. Par furtùna la s fà sōl un pôc ad mâl e la vècia la gh śibìs ad tōr un thè insém in dal vagòṅ risturànt.

Più tard la ragàsa la ś déśda dòp un piśulèṅ e la n cata piò la sgnóra Froy ch'l'è sparìda cuma s'la n gh fus mai stada.

Culegamènt estéran