Frenzy

Da Wikipedia.

C'l artìcul chè 'l è scrit in Miranduléś Emiliàn

Frenzy

Jon Finch e Barry Foster in na figùra dal film
Atàc ad matéria
1972
Regìa: Alfred Hitchcock
Scritōr: Arthur La Bern • Anthony Shaffer
Atōr: Jon FinchAlec McCowenBarry Foster
Jean MarshBillie WhitelawVivien Merchant
Barbara Leigh-HuntAnna MasseyJean Marsh
Müsica: Ron Goodwin
Léngua: Ingléś
Dürä dal film: 116 minüt
Nasiōṅ: Régn Unî


«
A basta na cruàta druàda ad tut i dè p'r un cōlp ad séna murtàł.»
(Tagline dal film)


Frenzy (Atàc ad matéria) 'l è 'n thriller dal Régn Unî dal 1972 'd Alfred Hitchcock, penùltim di sò film. 'L è stâ preśentâ fóra cuncōrs a 'l 25śum Fèstival ad Cannes.

Sunt

Un manìac sesuàl da i cavìi rós, Robert Rusk dit Bob (Barry Foster), al stramna la paùra a Lóndra parchè al s è mis a stranglàr al dóni druànd la sò cruàta. Par na série ad mutìṿ dasfurtunâ, la pulisìa la gh'à di suspèt su òṅ ch'al n gh'èntra gnint, Richard Ian Blaney (Jon Finch), ex aviadōr 'd aparéć par la RAF ch'adès al tira avànti faghénd di lavursèṅ da pôc. Inóltar al léva da spés anc al gòmit par mandàr śò di bicér 'd alcool.

L'ultma vitma dal serial killer l'è pròpria la sò ex mujér, la Brenda (Barbara Leigh-Hunt), ch'la gh'iva n'agensìa matrimuniàla. Prima ch'al cadàvar al fus catâ, 'l è stâ vdû śluntanàr-as da lè e la segretària dla dóna la i à anc sintî litgàr-as. Cun la pulisìa ch'la gh'è adòs, Richard al s lóga a cà dla sò cumpàgna Barbara Jane Milligan (Anna Massey), Babs p'r i amìg, na camaréra dal bar in du lò 'l lavóra dal vòlti. Chi lē la vèṅ cupàda da Rusk e 'l óm al lóga pò al còrp in un sac ad patàchi. Ma la camaréra, prima ad murìr, l'iva fat in tèmp a śgranfgnàr-ag via la sò spila par tgnir sòdi la cruàta par pò tgnir-la strica in dal sò pugn.

In cal méntar Richard al vèṅ farmâ da la pulisìa. Al sasèṅ invéci al gh'à da catàr, e in présia, al còrp dla Babs, finî in un càmion, par tōr indrē la spila o sinò 'l è frit.

Culegamènt estéran