Caccia al ladro

Da Wikipedia.

C'l artìcul chè 'l è scrit in Miranduléś Emiliàn

To Catch a Thief
Caccia al ladro

La Grace Kelly e Cary Grant in na figùra dal film
Casa a 'l làdar
1955
Regìa: Alfred Hitchcock
Scritōr: David Dodge • John Michael Hayes
Atōr: Cary GrantGrace KellyGeorgette Anys
Bess FlowersAlex BallJessie Royce Landis
Jean MartinelliBrigitte AuberCharles Sherlock
René BlancardCharles VanelJohn Williams
Müsica: Lyn Murray
Léngua: IngléśFrancéś
Dürä dal film: 102 minüt
Nasiōṅ: Stat Unî


«
Mistēr, intrîg, amōr.»
(Tagline dal film)


Caccia al ladro (Casa a 'l làdar) 'l è na cumèdia dal 1955 'd Alfred Hitchcock trat da 'l racònt umònim ad David Dodge dal 1952. L'à vins al Prèmi Òscar par la futugrafìa. Al film, girâ a Montecarlo, 'l à dâ la manéra a 'l prìnsip Ranieri III ad Mònag ad cgnósar la Grace Kelly ch'la dvintarà sò mujér 'l an dòp.

Custâ dū migliòṅ e mèś ad dòlar, al 'n à fat sù quàt'r e mèś in di sōi Stat Unî.

Sunt

John Robie (Cary Grant), làd'r ad presiōś cgnusû c'n al scutmàj ad Gat, al gh'à dâ a 'l élta da dimóndi tèmp dòp avér decìś ad rigàr drit e avér tòlt part a la Reśisténsa in Frància. Adès al gh'à 'n sit ad vidi in dal culìni dla Còsta Aśùra. Quànd in rivéra i sucédan di furt fat cumpàgn a la sò manéra, lì lò al s dà da far par dimustràr ch'l è inusènt. Al decìd ad lauràr insém a Hughson (John Williams) ch'al s cata là par cònt ad qvéi di Lloyd's ad Lóndra ch'i gh'aṅ dâ 'l incàrag 'd andàr-'g a fónd.

Par ciapàr al làdar c'n al maṅ in dal sac, Robie al s fà dar na lista dla gint pîna 'd bèsi ch'la s cata da cal bandi là. Faghénd finta 'd èsar 'n óm 'd afâr americàṅ, al cgnós acsè la Jessie Stevens (Jessie Royce Landis), védva 'd un petrulēr, ch'la gh'à adrē sèmpar la fiōla, la bèla e sufisticàda Frances (Grace Kelly). Chi lē l'è persuàśa ch'al làd'r al sia pròpria John ma la n pōl minga far finta 'd a n pruàr gnint par lò. Quànd i pòrtan via i presiōś dla sgnóra Stevens, John al s lóga e al taca a pinsàr a na trapla par ciapàr al làdar véra che lò al créd 'd avér arcgnusû.

Culegamènt estéran