Martin Landau

Da Wikipedia.
C'l artìcul chè 'l è scrit in Miranduléś Emiliàn
Landau tòlt śò in dal 1968 a i tèmp ad Mission: Impossible


Martin Landau (New York, 20 ad Śugn dal 1928 - Westwood, 15 ad Luj dal 2017, a s lèś /ˈlænˌdaʊ/ in ingléś) 'l è stâ 'n atōr, prudutōr e 'n ilustradōr americàṅ, Prèmi Òscar cuma atōr minga prutagunìsta dal 1995 p'r al film Ed Wood ad Tim Burton.

In dla sò caréra 'l à laurâ dimóndi in televiśiòṅ girànd di telefim ad sucès cuma Ai confini della realtà, Missione Impossibile e Spazio 1999 (al fava 'l cmandànt Koenig), qvist dū chè insém a sò mujér 'd in alóra, la Barbara Bain, ch'la gh'à dâ dū fiōli, la Susan (1960, prudutōra) e la Juliet (1965, atōra).

A 'l cìnema 'l à laurâ p'r Alfred Hitchcock in Intrigo internazionale dal 1959, par Joseph L. Mankiewicz in Cleopatra dal 1963, par Francis Ford Coppola in Tucker - Un uomo e il suo sogno dal 1988, par Woody Allen in Crimini e misfatti dal 1989 (pelìcula in du 'l è stâ candidâ a 'l Òscar) e par Phillip Noyce in dal thriller eròtic Sliver dal 1993.

Filmugrafìa

Culegamènt estéran

Àtar prugèt