Chicago

Da Wikipedia.

C'l artìcul chè 'l è scrit in Miranduléś Emiliàn

Al scûd dla sità
Chicago in dla mapa d'l Illinòis
I sò gratacēi
Chicago ad nòt
Al teàt'r ad Chicago
Vduda da 'l lâg Michigan

Chicago (a s lèś [/ʃɪˈkɑɡoʊ/] o anc [/ʃᵻˈkɔːɡoʊ/] in ingléś) l'è na sità di Stat Unî ch'in dal 2014 la gh'iva dū migliòṅ e sèt 'd abitànt. La s cata in dal stat d'l Illinòis, in dla cuntèa ad Cook e ad DuPage, e l'è la tèrsa più granda dal paéś dòp New York e Los Angeles. La sa śvilùpa par sinquànta km su 'l lâg Mìchigan, da Nòrd a Sud.

L'è cgnusùda cuma „Windy City“ (la sità dal vènt) o anc cuma „Second City“ (la secónda sità) p'r al fat che in fiṅ a 'l 1980 la l'éra dabòṅ (in di an Sinquànta la pasàva anc i tri migliòṅ e siē 'd abitànt). Adès 'l è 'n sèntar finansiàri dimóndi impurtànt e 'l PIL dla sò aréa metrupulitàna 'l è 'l tèrs di Stat Unî.

A 'l censimènt dal 2011 'l è saltâ fóra ch'i sò abitànt i èṅ p'r al 32.9% négar, p'r al 31.7% biànc e p'r al 13.3% ispànig. Al sò sìndig, da 'l 2011, 'l è 'l demucràtic Rahm Emanuel. Chicago l'è sèmpar stada na sità 'd sinìstra tant ch'l ùltim sìndig republicàṅ 'l è stâ elèt in dal 1927.

La sità l'è famóśa anc p'r ès'r un punt ad riferimènt par la mùśica, specialmènt qvéla jazz, blues, soul, gospel, e anc house music.

Persunàǵ ligâ a Chicago

Culegamènt estéran