Carrie, lo sguardo di Satana

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Carrie
Carrie, lo sguardo di Satana
Carrie.png
La Sissy Spacek in na figùra dal film
Carrie, l'uciàda 'd Sàtana
1976
Regia: Brian De Palma
Scritùr: Stephen King • Lawrence D. Cohen
Atùr: Sissy SpacekPiper LaurieAmy Irving
Nancy AllenJohn TravoltaWilliam Katt
Müsica: Pino Donaggio
Lengua: Ingléś
Dürä dal film: 94 minüt
Nasiòṅ: Stat Unî


«
They're all gonna laugh at you!»
(EN)(La Piper Laurie la mét in s'l avìś la Sissy Spacek ma chi lē la n gh dà gnanc a mènt)
«
I rid'ràṅ tut ad tè!»
(MUD)


Carrie, lo sguardo di Satana (Carrie, l'uciàda 'd Sàtana) 'l è 'n film dramàtic e ad scarésa dal 1976 ad Brian De Palma e 'l è trat, par la prima vòlta, da 'n rumànś ad Stephen King.

Al gh'à abû 'n séguit in dal 1999 da 'l tìtul Carrie 2: la furia‎.

Sunt

La Carrie White (Sissy Spacek) l'è na ragàsa tìmda ch'la fà 'l ùlt'm an dal scōli superióri: la fà fadìga a far-as di amìg parchè l'è sèmpar stada tgnuda a cà da sò màdar Margaret (Piper Laurie), una cun la fisa dla Cèsa Catòlica. Dòp na partìda ad vóley, méntar l'è drē a far-as na dócia, la gh'à al sò primi mestruasiòṅ e, a n savénd briśa quél ch'l éra drē a sucéd'r-ag, la rèsta lè squasàda dal tut, sóta al ridùdi dal sò cumpàgni ch'i la tōś'n in gir. Sōl la Sue (Amy Irving) la s tōś a cōr al sò caś, cunvinsénd al sò murōś Tommy Ross (William Katt) a 'nvidàr-la a 'l bal dal licèo.

In cal méntar la Carrie la capìs 'd èsar bòna ad mōv'r i quèi cun al pinsér e la dasfrùta cal putēr lè par far in manéra 'd andàr a 'l bal listés, anc cónt'r al vlēr ad cla dasciòldacrìst ad sò màdar. Ma ad nascòsc la Chris Hargenson (Nancy Allen) e al sò ragàs Billy Nolan (John Travolta) i s inśégnan par tiràr-'g un tragatèṅ dimóndi catìṿ. I vōlan difàti butàr-'g adòs un séć pîṅ ad sangṿ ad nimàl durànt al bal. E 'l è quél ch'a sucéd dabòṅ: méntar la Carrie l'è in sal palc par ricévar al prèmi dla còpia più bèla dla sira, in dal dè più bèl dla sò vita, la Chris la tira la lasa dal séć e la Carrie la s impinìs ad rós, pròpria méntar tuta la gint la taca a rìd'r ad lē, anc i prufesōr.

Vilìda e dastrùta ad dèntar, la Carrie la tira fóra tuta la sò arlìa e, druànd la sò telecinéśi, la i cópa tut. Turnàda a cà par lavàr-as, la gh'à da patìr anc la matéria ad sò màdar.

Arcgnusimènt

Culegamènt estéran