La commedia del potere

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg L'ivresse du pouvoir
La commedia del potere
Commedia del potere.png
L'Isabelle Huppert in na figùra dal film
La cumèdia dal putēr
2006
Regia: Claude Chabrol
Scritùr: Odile Barski • Claude Chabrol
Atùr: Isabelle HuppertJean-François Balmer
François BerléandMarilyne CantoPatrick Bruel
Thomas ChabrolYves VerhoevenPierre Vernier
Müsica: Matthieu Chabrol
Lengua: Francéś
Dürä dal film: 110 minüt
Nasiòṅ: FrànciaGermàgna


«
Psî'v reśìst'r a l'imbariagadùra dal putēr?»
(Tagline dal film)


La commedia del potere (La cumèdia dal putēr) 'l è 'n film dramàtic francéś e tedésc dal 2006 ad Claude Chabrol ch'al tōś ispirasiòṅ, anc s'in na manéra minga uficiàla, da la figùra dal giùdas Eva Joly e a 'l scàndal cgnusû cuma 'l “afâr Elf” di prim an Nuànta.

'L è stâ preśentâ a 'l 56śum Fèstival ad Berlîṅ.

Sunt

Michel Humeau (François Berléand), presidènt 'd òṅ di grup industriàł più impurtànt dal paéś, al vîṅ arestâ tut 'd un cōlp a séguit 'd un pruvedimènt dal giùdas Jeanne Charmant-Killman (Isabelle Huppert), cgnusùda p'r ès'r una ch'la n lasa 'ndàr gnint e p'r avér un cugnóm ch'l è tut un prugràma: Masaóm cun dal charme. Par lē qvi là i aṅ mis in pē un sistéma ad curusiòṅ e 'd śgranfgnamènt ad bèsi. Mandànd-'l in parśòṅ, un pòst ch'al patìs dimóndi, lē l'è persuàśa che pò lò al vrà la bóca cuntànd incòsa.

La Jeanne l'è spuśàda cun Philippe (Robin Renucci), 'n óm ch'al fà fadìga a ès'r al marè dna dóna acsè impurtànta méntar lò 'l è gnint. Da pôc tèmp 'l è rivâ a star da lōr anc cal bòndagnìnt dal sò anvōd Félix (Thomas Chabrol).

Na sira la giùdas la gh'à 'n incidènt in màchina par via 'd un guàst a i frên dimóndi strâṅ. Par furtùna la la scampa ma par precausiòṅ la pulisìa la gh dà dū óm dna scòrta par tgnir-'g adrē. L'inchièsta la divìd i dū spóś parchè la dóna l'è cuntènta 'd avér sót maṅ un caś acsè impurtànt méntar 'l óm al n in pōl piò parchè al vrév na vita nurmàla.

Par dar-'g un taj, al caś al bruśa dimóndi, i tàc'n a mōv'r-as anc i pulìtic ch'i próan a tiràr-ag via 'l fasìcul dand-ag na prumusiòṅ.

Culegamènt estéran