Fèstival 'd Berlîṅ

Da Wikipedia.
(Reindirizzamento da Fèstival ad Berlîṅ)
Jump to navigation Jump to search

C'l artìcul chè 'l è scrit in Miranduléś Emiliàn

'L “Ōrs 'd Òr”, prèmi cun la bèstia sìmbul dla sità 'd Berlîṅ
Al palàs dla Berlinale


Al Fèstival 'd Berlîṅ 'l è 'n fèstival dal cìnema ch'a gh'è tut i an in dal méś ad Favràr a 'l Potsdamer Platz dla sità 'd Berlîṅ in Germàgna. Al dûra ùndas dè in tut e 'l è òṅ di più impurtànt a 'l mónd, cgnusû anc cuma Berlinale, nóm invintâ da l'atōra tedésca Tatjana Sais.

La prima edisiòṅ dla manifestasiòṅ la gh'è stada in dal 1951, c'n al film Rebecca, la prima moglie 'd Alfred Hitchcock a vèrar-'l, ma 'l è da 'l 1956 ch'la FIAPF la 'l à arcgnusû cuma fèstival cumpetitìṿ. In dal cōrs dal tèmp 'l è sèmpar carsû 'd impurtànsa, cavànd-'g-la a mét'r insém sincsènt-mila spetadōr 'l an, cun vint-mila e pasa adét da sènt-vint paéś e quàtar-mila giurnalìsta.

Al prèmi più impurtànt dal fèstival 'l è 'l “Ōrs 'd Òr” dâ a 'l film più bèl. Da 'l 1982 a gh'è anc al prèmi a la caréra. Par la regìa, gl'atōr e la senegiadùra a gh'è invéci 'l “Ōrs 'd Argìnt”.

Culegamènt estéran