Donne facili

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Les bonnes femmes
Donne facili
Donne facili.png
L'Audran, la Lafont e la Ninchi in na figùra dal film
Dóni fàcili
1960
Regia: Claude Chabrol
Scritùr: Claude Chabrol • Paul Gégauff
Atùr: Bernadette LafontLucile Saint-Simon
Stéphane AudranClotilde JoanoPierre Bertin
Ave NinchiAlbert DinanJean-Louis Maury
Müsica: Paul Misraki • Pierre Jansen
Lengua: FrancéśItagliàṅ
Dürä dal film: 100 minüt
Nasiòṅ: FrànciaItàglia


«
Csa v in fréga a vò ad chi v magna? Óm o lóv, un dè prima o 'n dè dòp, a n gh'è minga tanta difarénsa.»
(Citasiòṅ ad „La Fontaine“ a 'l inìsi dal film)


Donne facili (Dóni fàcili) 'l è 'n film dramàtic francéś e itagliàṅ dal 1960 ad Claude Chabrol. 'L è stâ girâ in biànc e négar. In Itàglia 'l è stâ tajâ dimóndi quànd 'l è vgnû fóra, specialmènt in dal part in dua l'Ave Ninchi la tiràva fóra da la sò burséta al fasulét da naś spòrc ad sangṿ ad 'l ùltim cundanâ a mòrt in piàsa e che lē la tgniva dacàt par feticìśum.

A la prima dal film al pùblic, incasâ négar c'n al regìsta par 'l òdi ch'al parìva avér-ag p'r i sò persunàǵ, al 'l à fisćiâ 'd brut e al vliva anc dar-'g-i śò[1].

Sunt

La Jane (Bernadette Lafont), la Jacqueline (Clotilde Joano), la Ginette (Stéphane Audran) e la Rita (Lucile Saint-Simon) i èṅ quàtar cumési ch'i lavór'n insém a la caséra Louise (Ave Ninchi) in un negòsi ch'al vénd di eletrudumèstic dal sgnōr Belin (Pierre Bertin), più stric 'd un genuvéś, ch'a s cata a Parì davśèṅ a la Bastìa. In dal tèmp lìbar i péscan dal divertimènt e anc 'l amōr, tgnénd a drē a i sò deśidèri, anc parchè al mistēr ch'i fànan 'l i fiàca dimóndi.

La Jane al muróś la gh 'l à , òṅ ch'al fà 'l servìsi militàr (Claude Berri), ma la và listés a lèt c'n un femnàr. Anc la Rita l'è impgnàda avénd-ag na stòria cun Henri (Sacha Briquet), al fiōl 'd un butgàr ad furmàj e salùm, cun di parènt difìcii da cumpatìr-as. La Ginette, la più vècia dal quàtar, ad sira la fà la cantànta. La Jacqueline invéci la créd 'd avér catâ 'l amōr in André Lapierre (Mario David), òṅ ch'al gira in mòta e ch'al pâr un braṿ ragàs, ma 'l al pâr sōl.

Culegamènt estéran

Nòti