Betty

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Betty
Betty
Betty.png
La Audran e la Trintignant in na figùra dal film
id.
1992
Regia: Claude Chabrol
Scritùr: Georges Simenon • Claude Chabrol
Atùr: Marie TrintignantStéphane Audran
Christiane MinazzoliJean-François Garreaud
Pierre VernierYves LambrechtYves Verhoeven
Müsica: Matthieu Chabrol
Lengua: Francéś
Dürä dal film: 103 minüt
Nasiòṅ: Frància


Betty (id.) 'l è 'n film dramàtic dal 1992 ad Claude Chabrol trat da 'l rumànś umònim ad Georges Simenon.

La prutagunìsta Marie Trintignant l'à vins al prèmi par l'atōra mijóra a 'l “Fèstival ad Taurmìna”.

Sunt

La Betty (Marie Trintignant) l'è na śōvna bòṅdagnìnta spuśàda c'n al burghéś Guy Etamble (Yves Lambrecht), fiōl dna famìja impurtànta pîna 'd bèsi ch'la n l'à mai vluda.

La ragàsa la gh'à anc dū putìni pìculi ma la n s è mai adatàda a cla vita e a c'l ambînt lè tant ch'l'è anc stada casàda via 'd cà quànd i l'aṅ bcada gusàr-'s al sasufunìsta Philippe (Yves Verhoeven). Guy al gh fà firmàr dal carti p'r al divòrsi in manéra ch'la vaga via sénsa dar in d'l òć e sénsa più véd'r al putìni.

Adès la Betty l'è dvintàda n'imbariagòsa sénsa bèsi ch'la pasa 'l sò tèmp a bév'r a "La Buśa", al risturànt 'd un sèrt Mario (Jean-François Garreaud). L'amànta ad chi lò, la védva sénsa fiōi Laure Le Vaucher (Stéphane Audran), vdénd-la da par lē misa acsè mâł la gh śibìs ad jutàr-la e ad pagàr-ag na cambra in 'n albêrg.

Cla purcùsa dla Betty però la s pòrta a lèt Mario mèntar la Laure l'è via. Ma la dóna, ch'l'iva naśâ quèl, la n éra minga partìda par Parì cuma l'iva dit ma l'éra armàśa lè par savēr i fat cum i éran. La Betty la l'à avùda vinsa lē e la gh'à purtâ via 'l óm. La Laure, turnàda a Liòṅ, la sò sità, la decìd ad masàr-as p'r al daspiaśēr.

Culegamènt estéran