Le beau Serge

C'l artìcul chè 'l è scrit in Miranduléś

Al bèl Serge 1958
Le beau Serge
Gérard Blain in na figùra dal film
Regìa: Claude Chabrol
Scritōr: Claude Chabrol
Atōr: Jean-Claude Brialy • Gérard Blain Bernadette Lafont • Michèle Méritz • Claude Cerval Jeanne Pérez • Edmond Beauchamp • André Dino
Müsica: Émile Delpierre
Léngua: Francéś
Dürä dal film: 98 minüt
Nasiōṅ: Frància

Le beau Serge (Al bèl Serge) 'l è 'n film dramàtic francéś in biànc e négar dal 1958 ad Claude Chabrol. Anc s'l éra a 'l sò debùt cuma regìsta, Chabrol 'l à fat subìt sèntar vinsénd al prim prèmi a 'l Fèstival ad Locàrn e al prèmi Jean Vigo.

Cla pelìcula chè l'è cunsideràda cuma la prima òpra dal muimènt dla Nouvelle Vague e l'è stada giràda tuta in dal paiśèṅ ad Sardent, in dla regiòṅ dal Limuśèṅ, in dua Chabrol 'l iva pasâ la sò giuinésa durànt la guèra.

Sunt

Dòp avér pasâ soquànt an via e ès'r-as curâ da 'n brut mâł, al pariśèṅ François Baillou (Jean-Claude Brialy) al tórna in dal paiśèṅ in dua 'l éra nâ par punsàr bèṅ e p'r armét'r-as dal tut. Al tōś in afìt na cambra in dla pensiòṅ dla Madame Chaunier (Jeanne Pérez) dòp ch'al furnàr (Michel Creuze) al gh cònta cuś è sucès in dal cumùṅ méntar lò 'l éra via. A gh'è qvéla ch'la gh'à abû dū fiōi, qvél ch'l è partî par far al militàr ad mistēr e pò a gh'è Serge (Gérard Blain), al più câr amìg ad François, ch'al vliva studiàr par dvintàr 'n architét e andàr acsè via da cal pustàs lè daśmindgâ da tut e da Dio, in dua a n sucéd mai gnint e la gint la fà fadìga a tiràr avànti. Invéci al ròbi i èṅ andàdi in na manéra difarènta par lò. P'r avér fat 'l amōr na vòlta o dū cun l’Yvonne (Michèle Méritz), chi lē l'è armàśa subìt gravda e lò 'l è stâ custrét a spuśàr-la in présia e acsè i sò prugèt i èṅ andâ a far-as banadìr. Al putèṅ pò 'l è nâ mungulòid e 'l è mòrt subìt. Serge al s è ardùt a guidàr un camiunsèṅ par na dita ch'la vénd dal légn ma 'l è anc dvintâ 'n imbariagòs e quànd 'l à bvû al n cgnós più ninsòṅ e al dvènta catìṿ cun sò mujér ch'al trata da spés mâł.

Serge al pasa 'l sò siri a bévar insém a 'l vèć Glomaud (Edmond Beauchamp), al pàdar dna ragàsa ad darsèt an, la Marie (Bernadette Lafont), ch'la gh cata gust a far sès cun tut i śōvan ch'la cata. L'è stada cun Serge e adès la và cun François. Chi lò al vrév jutàr al sò amìg a saltàr-'g-an fóra da la sò situasiòṅ ma a n è minga un quèl fàcil anc parchè l’Yvonne la spèta 'n àtar putèṅ.

Culegamènt estéran

v · d · m Film ad Claude Chabrol
An 1950	Le beau Serge (1958) • I cugini (1959) • A doppia mandata (1959)
An 1960	Donne facili (1960) • I bellimbusti (1961) • L'Oeil du malin (1962) • Ofelia (1963) • Landru (1963) • La tigre ama la carne fresca (1964) • Marie Chantal contro il dr. Kha (1965) • La tigre profumata alla dinamite (1965) • La linea di demarcazione (1966) • Le scandale - Delitti e champagne (1967) • Criminal story (1967) • Les biches - Le cerbiatte (1968) • Stéphane, una moglie infedele (1969) • Ucciderò un uomo (1969)
An 1970	Il tagliagole (1970) • All'ombra del delitto (1970) • Sul far della notte (1971) • Dieci incredibili giorni (1971) • Trappola per un lupo (1972) • L'amico di famiglia (1973) • Sterminate gruppo Zero (1974) • Una gita di piacere (1975) • Gli innocenti dalle mani sporche (1975) • Profezia di un delitto (1976) • Pazzi borghesi (1976) • Alice (1977) • Rosso nel buio (1978) • Violette Nozière (1978)
An 1980	Le Cheval d'orgueil (1980) • I fantasmi del cappellaio (1982) • Il sangue degli altri (1984) • Una morte di troppo (1985) • L'ispettore Lavardin (1986) • Volto segreto (1987) • Il grido del gufo (1988) • Un affare di donne (1988)
An 1990	Giorni felici a Clichy (1990) • Doctor M. (1990) • Madame Bovary (1991) • Betty (1992) • L'oeil de Vichy (1993) • L'inferno (1994) • Il buio nella mente (1995) • Rien ne va plus (1997) • Il colore della menzogna (1999)
An 2000	Grazie per la cioccolata (2000) • Il fiore del male (2003) • La damigella d'onore (2004) • La commedia del potere (2006) • L'innocenza del peccato (2007) • Bellamy (2009)