Grazie per la cioccolata

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Merci pour le chocolat
Grazie per la cioccolata
Grazie per la cioccolata.png
La Huppert e la Mouglalis in na figùra dal film
A t ringràsi par la ciuculàda
2000
Regia: Claude Chabrol
Scritùr: Charlotte Armstrong
Claude Chabrol • Caroline Eliacheff
Atùr: Isabelle HuppertJacques Dutronc
Anna MouglalisMichel RobinJacques Dutronc
Rodolphe PaulyBrigitte CatillonLydia Andrei
Mathieu SimonetIsolde BarthMichel Moulin
Müsica: Matthieu Chabrol
Lengua: Francéś
Dürä dal film: 99 minüt
Nasiòṅ: ŚvisraFrància


«
Un thriller négar bujènt!»
(Tagline dal film)


Grazie per la cioccolata (A t ringràsi par la ciuculàda) 'l è 'n film śal e dramàtic dal 2000 ad Claude Chabrol trat da 'n rumànś ad Charlotte Armstrong dal 1948, La tlaréda ad ciuculàda (The Chocolate Cobweb).

'L è stâ preśentâ fóra cuncōrs a 'l Fèstival ad Venèsia dal 2000 parchè Claude Chabrol 'l éra mémbar dal giurìa.

Sunt

In di dintór'n ad Luśànna la Marie-Claire (Isabelle Huppert), dita Mika, presidènt dl'indùstria ad ciuculàda Muller, la sa spóśa in cumùṅ cun al famóś pianìsta André Polonski (Jacques Dutronc). Soquànt an dòp, cun la còpia ch'in cal méntar la s éra mulàda e pò spuśàd' incóra, la s fà avànti na śuvnòta ciamàda Jeanne (Anna Mouglalis) ch'la diś 'd èsar la fiōla d'l óm (a sò dita a 'l uśdàl i ìvan scambiâ dū putèṅ) e la gh dmanda ad dar-ag dal lesiòṅ par preparàr-la cum a ś dév p'r un pruvèṅ p'r èsar tòlta in cunservatòri. Al muśicìsta e la ragàsa i tàc'n a cumpurtàr-as cum s'i fùsan dabòṅ pàd'r e fiōla, mìstar e aléva.

La sgnóra Mika la fà incòsa par dar cónt'r a la śóvna. Chi lē la dvénta amìga ad Guillaume (Rodolphe Pauly), fiōl dal pianìsta abû da n'atra dóna, la Lisbeth, prima ch'la murìs in na manéra minga ciàra, durànt la separasiòṅ d'l óm da la Marie-Claire.

In cal méntar la Jeanne, cun 'l ajùt dal sò muróś ch'al stùddia madśìna, la vèṅ a savér ch'in dla ciuculàda che tut al siri la prepàra la Mika par la famìja a gh'è sèmpar dèntar na cria ad sunìfer. La śóvna la taca acsè a pinsàr mâl ad lē, turnànd indrē in dal tèmp in dua la Lisbeth l'iva catâ la mòrt in 'n incidènt in màchina cun dla sunìśia adòs. In alóra a s éra pinsâ a 'n tintatìṿ ad suicìdi dla dóna ma adès a pâr tut ciàr: anc Guillaume al la pénsa cumpàgn.

Arcgnusimènt

Culegamènt estéran