Marie Chantal contro il dr. Kha

Da Wikipedia.

C'l artìcul chè 'l è scrit in Miranduléś Emiliàn

Marie-Chantal
contre le docteur Kha
Marie Chantal contro il dr. Kha

La Marie Laforêt in na figùra dal film
La Marie Chantal cónt'r al dutōr Kha
1965
Regìa: Claude Chabrol
Scritōr: Christian Yves • Jacques Chazot
Claude Chabrol • Daniel Boulanger
Atōr: Marie LaforêtCharles DennerHenri Attal
Gilles ChusseauFrancisco RabalAkim Tamiroff
Serge ReggianiStéphane AudranRoger Hanin
Pierre-François MoroJosé María Caffarel
Müsica: Gregorio García Segura
Pierre Jansen • Michel Colombier
Léngua: Francéś
Dürä dal film: 90 minüt
Nasiōṅ: FrànciaItàgliaSpaggnaMaròc


«
Al cinéfil Claude Chabrol impgnâ in na stòria 'd spiunàǵ.»
(Tagline dal film)


Marie Chantal contro il dr. Kha (La Marie Chantal cónt'r al dutōr Kha) 'l è 'n film ad spiunàǵ dal 1965 ad Claude Chabrol.

L'atōra prutagunìsta, la Marie Laforêt, l'à recitâ in dla pelìcula méntar la spetàva 'n putèṅ.

Sunt

La francéśa Marie-Chantal Froidevaux des Chatenets (Marie Laforêt) l'è na bèla śuvnòta dl'élta sucietà cun la pusa sóta 'l naś.

Mèntar l'è in viàś in trêṅ insém a sò cuśèṅ Hubert de Ronsac (Pierre-François Moro) p'r andàr a pasàr na vacànsa invernàla in Śvisra la cgnós 'n óm misterióś ciamâ Bruno Kerrien (Roger Hanin) ch'al gh dà 'n presióś, la Pantéra Blù, da purtàr in Maròc. Chi lò 'l è 'n agìnt segrét francéś e 'l à péna fargâ la Pantéra a 'n àt'r óm che pò 'l à masâ.

La ragàsa la gh'astà ma a risć dla sò vita parchè 'l diabòlic dutōr Kha (Akim Tamiroff) 'l al pésca a tut i cóst e 'l è prònt a masàr par cavàr-'g-la e Kerrien 'l è 'l prim a pèrdar la vita. In di òć dla giòia, dal culōr dal rubèṅ, a gh'è 'n lìquid c'n un vìrus dèntar ch'al sarév bòṅ ad sterminàr tut i cristiàṅ dal mónd.

La dóna la próa a saltàr-'g-an fóra cun 'l ajùt dal sò muróś Paco Castillo (Francisco Rabal) ma 'n muć ad spìi, rusi e americàni, i gh tìn'n adrē.

Culegamènt estéran