Donne sull'orlo di una crisi di nervi

Da Wikipedia.

C'l artìcul chè 'l è scrit in Miranduléś Emiliàn

Mujeres al borde
de un ataque de nervios
Donne sull'orlo di una crisi di nervi

La De Palma, la Maura e Banderas
in na figùra dal film
Dóni in s'l órul dna criśi ad nèruṿ
1988
Regìa: Pedro Almodóvar
Scritōr: Pedro Almodóvar
Atōr: Carmen MauraRossy de PalmaAna Leza
Antonio BanderasJulieta SerranoKiti Mánver
María BarrancoJavier BardemEduardo Calvo
Loles LeónChus LampreaveCarmen Espada
Müsica: Bernardo Bonezzi
Léngua: Spagnōl
Dürä dal film: 90 minüt
Nasiōṅ: Spaggna


«
Na cumèdia nóva su 'n qualchidòṅ ch'at cgnós.»
(Tagline dal film)


Donne sull'orlo di una crisi di nervi (Dóni in s'l órul dna criśi ad nèruṿ) 'l è na cumèdia dal 1988 ad Pedro Almodóvar ch'al tōś na quàlc ispirasiòṅ da l'òpra La vóś umàna 'd Jean Cocteau.

Al film 'l à vins 5 prèmi Goya in Spaggna (cun quìndas candidadùri) e 'l è stâ preśentâ a 'l 45śum Fèstival ad Venèsia.

La canta ch'la s sènt a 'l inìsi dal film l'è "Soy infeliz" dla Lola Beltrán.

Sunt

La Pepa (Carmen Maura), na dóna ad Madrid ch'la dà la sò vóś par dupiàr i film, la ricév un mesàǵ da Iván (Fernando Guillén), sò cumpàgn ad lavōr cum in dla vita, ch'al gh diś che fra lōr dū l'è finìda. Lē la próa in tut al manéri ad dascóra sèg par dir-ag ch'la gh'à 'd avér un putèṅ ma la n gh la cava minga parchè lò 'l è drē a partìr par Stucólma. La Pepa la créd che lò al s in vaga insém a sò mujér Lucía (Julieta Serrano) quànd lē invéci la pénsa 'l cuntràri. La véra l'è che lò al gh'à n'atra dóna incóra, l'avucàta Paulina Morales (Kiti Manver).

Durànt cla giurnàda lè, la Pepa la ricév in dal sò apartamènt, ch'la vōl dar in afìt, la sò amìga Candela (María Barranco), ch'la s cata in di guàj p'r avér uspitâ da lē di terurìsta, Carlos (Antonio Banderas), fiōl dal sò amànt, e la sò muróśa Marisa (Rossy de Palma), chi èṅ vgnû lè par védar 'l àtic sénsa savér ad chi 'l fus dabòṅ. I s śòntan pò anc la Lucía, dū pulisiòt e 'n tècnic dal telèfun ch'al gh'iva da giustàr-al ma che la Pepa l'iva śbatû śò par la fnèstra.

La Lucía l'è incasàda négra cun sò marè e la decìd 'd andàr a 'l aerupòrt cun na pistòla par masàr-al. Sōl la Pepa la pōl far quèl.

Culegamènt estéran