Il fiore del mio segreto
|
C'l artìcul chè 'l è scrit in
Miranduléś |
 La flor de mi secreto
| ||
| Il fiore del mio segreto | ||
 La Rossy de Palma, la Paredes e la Lampreave in na figùra dal film | ||
| Al fiōr dal mè segrét 1995 | ||
|---|---|---|
| Regìa: Pedro Almodóvar | ||
| Scritōr: Pedro Almodóvar • Dorothy Parker | ||
| Atōr: Marisa Paredes • Carme Elías • Jordi Mollà Rossy de Palma • Joaquín Cortés • Gloria Muñoz Chus Lampreave • Juan Echanove • Kiti Mánver | ||
| Müsica: Alberto Iglesias | ||
| Léngua: Spagnōl • Francéś | ||
| Dürä dal film: 110 minüt | ||
| Nasiōṅ: Spaggna • Frància | ||
Il fiore del mio segreto (Al fiōr dal mè segrét) 'l è 'n film dramàtic dal 1995 ad Pedro Almodóvar. 'L è stâ numinâ a sèt Prèmi Goya dal 1996 ma al n à mia purtâ a cà gnint.
Sunt
La Betty (Carme Elías) la fà la psicòluga a Madrìd e l'è amìga dla Leo Macías (Marisa Paredes) na scritōra 'd rumànś róśa ch'la fà druànd al pseudònim segrét 'd Amanda Gris. Chi lē l'è spuśàda c'n un militàr dla NATO ch'l è sèmpar via, Paco (Imanol Arias), ma a cuntàr-la giùsta la véra l'è ch'al sò matrimòni 'l è drē a 'ndàr a raméng.
La Betty la gh fà cgnós'r al diretōr dal giurnàl El Paìs, Ángel (Juan Echanove), e chi lò al gh admànda 'd scrìv'r un pès su la Gris a n saénd briśa ch'l'è sèmpar lē. La Leo la gh và śò péśa e la in diś ad tut i culōr dla Gris che, fra 'l àtar, la n è più bòna 'd scrìvar di rumànś alégar cuma na vòlta par via dal magòṅ ch'la gh'à dèntar anc parchè Paco, ch'al s è mis cun la Betty, al vōl al divòrsi.
La Leo la và a catàr sò màdar Jacinta (Chus Lampreave) e sò surèla Rosa (Rossy de Palma) a Almàgro, pò la và a véd'r un spetàcul dla sò camaréra Blanca (Manuela Vargas), èx stéla ad flaméngo. Sò fiōl Antonio (Joaquín Cortés) al gh cunfèsa ch'al gh'à fargâ òṅ di sò rumànś, ch'l'iva butâ in dal rusc, par ciapàr di bèsi. Cl'òpra lè l'è finìda in dal maṅ ad Bigas Luna ch'al gh'iva da far-'g un film.