Gli amanti passeggeri
|
C'l artìcul chè 'l è scrit in
Miranduléś |
 Los amantes pasajeros
| ||
| Gli amanti passeggeri | ||
 Toledo, Saleh e la Dueñas in na figùra dal film | ||
| Gl'amànt pasagēr 2013 | ||
|---|---|---|
| Regìa: Pedro Almodóvar | ||
| Scritōr: Pedro Almodóvar | ||
| Atōr: Javier Cámara • Raúl Arévalo • Hugo Silva Guillermo Toledo • Lola Dueñas • Cecilia Roth Antonio de la Torre • Miguel Ángel Silvestre Blanca Suárez • Nasser Saleh • Carlos Areces Antonio Banderas • Paz Vega • Penélope Cruz | ||
| Müsica: Alberto Iglesias | ||
| Léngua: Spagnōl | ||
| Dürä dal film: 90 minüt | ||
| Nasiōṅ: Spaggna | ||
Gli amanti passeggeri (Gl'amànt pasagēr) l'è na cumèdia spagnōla dal 2013 scrita e dirèta par Pedro Almodóvar, cun di camèo dla Penélope Cruz, dla Paz Vega e 'd Antonio Banderas.
Al film 'l à fat sù da piò 'd ùndas migliòṅ ad dòlar.
Sunt
Durànt al viàś 'd 'n aparéć dla cumpagnìa Peninsula da Madrìd a Sità dal Mèsic, i pilòta Álex Acero (Antonio de la Torre) e Benito Morón (Hugo Silva) i s réndan cònt ch'al carèl al gh'à di prubléma e che dònca i gh'aṅ da pruàr 'n ateràǵ 'd emergénsa in 'n aeropòrt dla Spaggna ch'i gh'aṅ incóra da càtar. In cal mént'r i èṅ custrét a giràr a vōd par finìr al carburànt.
A bōrd i tri steward fnòć, Joserra (Javier Cámara), Fajas (Carlos Areces) e Ulloa (Raúl Arévalo), i próan a tgnir élt al spìrit di pasagēr dla prima clas, dand-ag dal spìrit misćiâ cun dla dròga. Al banchēr Más (José Luis Torrijo), delinquènt ch'al próa a scapàr via da la pulisìa, la escort Norma Boss (Cecilia Roth), 'l atōr squasamarléti balìsta Ricardo Galán (Guillermo Toledo), al sgnōr Infante (José María Yazpik), la medium Bruna (Lola Dueñas), incóra vìrgin, e na còpia 'd spóś in viàś ad nòsi (Miguel Ángel Silvestre e la Laya Martí) i gh'aṅ acsè di atàc ad cretinìśia e 'd lusùria e i tàc'n a far sès. La Bruna, ch'la s gusa 'n turìsta dla secónda clas in dal méntar ch'l éra drē a durmìr (Nasser Saleh), la sènt che cal viàś lè al cambiarà la vita 'd tut.