Che ho fatto io per meritare questo?

Da Wikipedia.

C'l artìcul chè 'l è scrit in Miranduléś Emiliàn

¿Qué he hecho yo
para merecer esto!!
Che ho fatto io per meritare questo?

La Forqué e Herranz in na figùra dal film
Cuś ò-j-a fat mè par meritàr-um cal lavōr chè?
1984
Regìa: Pedro Almodóvar
Scritōr: Pedro Almodóvar
Atōr: Carmen MauraLuis HostalotCecilia Roth
Verónica ForquéChus LampreaveKiti Mánver
Miguel Ángel HerranzÁngel de Andrés López
Gonzalo SuarezJuan MartínezSonia Hohmann
Müsica: Bernardo Bonezzi
Léngua: SpagnōlTedéscIngléśFrancéś
Dürä dal film: 101 minüt
Nasiōṅ: Spaggna


«
Un persunàǵ sentràl ch'al m iva sèmpar interesâ: la raśdóra, padròna, sgnóra e vitma dla sucietà di cunsùm.»
(Pedro Almodóvar)


Che ho fatto io per meritare questo? (Cuś ò-j-a fat mè par meritàr-um cal lavōr chè?) 'l è na cumèdia dramàtica dal 1984 ad Pedro Almodóvar, vinsidōr dal prèmi Sant Jordi dal 1985 p'r al mijór film spagnōl.

Sunt

La Gloria (Carmen Maura) la viṿ in di bōrd ad Madrid in 'n apartamènt ad gnanc quarànta mètar quàdar. La gh'à dū fiōi masć ad quatórdas e dód'ś an: Toni (Juan Martínez), ch'al dróa e al vénd dla dròga, e Miguel (Miguel Ángel Herranz), fnòć ch'al s prustituìs par ciapàr di bèsi. Insém a lōr i viv'n anc sò marè Antonio (Ángel de Andrés López), un tasìsta manésc ch'al gh'à sèmp'r in mènt la sò vècia amànta tedésca Ingrid (Katia Loritz), e sò màdar (Chus Lampreave), na vècia cun al diabēt ch'la và mata p'r i biscòt e par l'àqua ch'la friś.

Par scampàr la Gloria la fà 'l pulisìi in na palèstra. In dal palàs la gh'à na bòna amìga in dla Cristal (Verónica Forqué), ch'la tira avànti faghénd la putàna in dal sò apartamènt.

Un dè, dòp na litgàda cun sò marè ch'al vliva che lē la lavìs in présia la sò camìśa, la Gloria la 'l cópa sénsa vlér druànd 'n òs ad parsùt. La dóna la cònta pò incòsa a la Cristal ch'la gh śibìs 'n àlibi ma dòp soquànt tèmp lē la cunfèsa 'l asidènt a 'l ispetōr ad pulisìa Polo (Luis Hostalot), 'n óm cgnusû soquànt tèmp prima in dal spujatòri dla palèstra quànd i ìvan pruâ a ciulàr sóta la dócia sénsa però cavàr-'g-la parchè lò al gh'iva 'l mâł dla lumàga, ma lò al n gh créd briśa. In cal méntar la nunòna e Toni i decìdan 'd andàr a star via, in dal paéś uriginàri 'd Antonio, lasànd la Gloria da par lē parchè Miguel 'l è stâ dâ in adusiòṅ a 'n dentìsta invertî p'r avér na bóca in méno da pinsàr a dar-ag da magnàr.

Culegamènt estéran